| |
|
| அருணகிரிநாதர் அருளிய திருப்புகழ் |
| திருவிடைக்கழி |
| 792. அனலப்பரி |
ராகம் -
தாளம் - |
தனனத் தனனத் தனனத் தனனத்
தனனத் தனனத் - தனதான |
| பாடல் |
அனலப் பரிபுக் ககுணத் ரயம்வைத்
தடர்பொய்க் குருதிக் - குடில்பேணா
அவலக் கவலைச் சவலைக் கலைகற்
றதனிற் பொருள்சற் - றறியாதே
குனகித் தனகிக் கனலொத் துருகிக்
குலவிக் கலவிக் - கொடியார்தங்
கொடுமைக் கடுமைக் குவளைக் கடையிற்
குலைபட் டலையக் - கடவேனோ
தினைவித் தினநற் புனமுற் றகுறத்
திருவைப் புணர்பொற் - புயவீரா
தெளியத் தெளியப் பவளச் சடிலச்
சிவனுக் கொருசொற் - பகர்வோனே
கனகச் சிகரக் குலவெற் புருவக்
கறுவிப் பொருகைக் - கதிர்வேலா
கழியைக் கிழியக் கயல்தத் துமிடைக்
கழியிற் குமரப் - பெருமாளே. |
| வெற்றிவேல் முருகனுக்கு அரோகரா ! |
1 |
| 793. இரக்குமவர்க்கு |
ராகம் -
தாளம் - |
தனத்தனதத் தனத்தனதத் தனத்தனதத் தனத்தனதத்
தனத்தனதத் தனத்தனதத் - தனதான |
| பாடல் |
இரக்குமவர்க் கிரக்கமிகுத் தளிப்பனசொப் பனத்திலுமற்
றெனக்கியலுக் கிசைக்கெதிரெப் - புலவோரென்
றெடுத்துமுடித் தடக்கைமுடித் திரட்டையுடுத் திலச்சினையிட்
டடைப்பையிடப் ப்ரபுத்துவமுற் - றியல்மாதர்
குரக்குமுகத் தினைக்குழலைப் பனிப்பிறையொப் பெனப்புயலொப்
பெனக்குறுகிக் கலைக்குள்மறைத் - திடுமானின்
குளப்படியிற் சளப்படுமிப் பவக்கடலைக் கடக்கஇனிக்
குறித்திருபொற் கழற்புணையைத் - தருவாயே
அரக்கரடற் கடக்கஅமர்க் களத்தடையப் புடைத்துலகுக்
கலக்கணற் குலக்கிரிபொட் - டெழவாரி
அனைத்தும்வறப் புறச்சுரர்கற் பகப்புரியிற் புகக்கமலத்
தனைச்சிறையிட் டிடைக்கழியிற் - பயில்வோனே
கரக்கரடக் களிற்றுமருப் புலக்கையினிற் கொழித்தமணிக்
கழைத்தரளத் தினைத்தினையிற் - குறுவாளைக்
கணிக்குறவக் குறிச்சியினிற் சிலைக்குறவர்க் கிலச்சைவரக்
கயத்தொடுகைப் பிடித்தமணப் - பெருமாளே. |
| வெற்றிவேல் முருகனுக்கு அரோகரா ! |
2 |
| 794. பகரு முத்தமிழ் |
ராகம் - ஸெளராஷ்டிரம்
தாளம் - மிஸ்ரசாபு (3 1/2)
தகிட - 1 1/2, தகதிமி - 2 |
தனன தத்தனத் தனன தத்தனத்
தனன தத்தனத் - தனதான |
| பாடல் |
பகரு முத்தமிழ்ப் பொருளு மெய்த்தவப்
பயனு மெப்படிப் - பலவாழ்வும்
பழைய முத்தியிற் பதமு நட்புறப்
பரவு கற்பகத் - தருவாழ்வும்
புகரில் புத்தியுற் றரசு பெற்றுறப்
பொலியும் அற்புதப் - பெருவாழ்வும்
புலன கற்றிடப் பலவி தத்தினைப்
புகழ்ப லத்தினைத் - தரவேணும்
தகரி லற்றகைத் தலம்வி டப்பிணைச்
சரவ ணத்தினிற் - பயில்வோனே
தனிவ னத்தினிற் புனம றத்தியைத்
தழுவு பொற்புயத் - திருமார்பா
சிகர வெற்பினைப் பகிரும் வித்தகத்
திறல யிற்சுடர்க் - குமரேசா
செழும லர்ப்பொழிற் குரவ முற்றபொற்
றிருவி டைக்கழிப் - பெருமாளே. |
| வெற்றிவேல் முருகனுக்கு அரோகரா ! |
3 |
| 795. படிபுனல் |
ராகம் - ரேவதி
தாளம் - அங்கதாளம் (5)
தக - 1, தகிட - 1 1/2, தகிட - 1 1/2, தக - 1 |
தனனதன தத்தனத் தனனதன தத்தனத்
தனனதன தத்தனத் - தனதான |
| பாடல் |
படிபுனல்நெ ருப்படற் பவனம்வெளி பொய்க்கருப்
பவமுறைய வத்தைமுக் - குணநீடு
பயில்பிணிகள் மச்சைசுக் கிலமுதிர மத்திமெய்ப்
பசிபடுநி ணச்சடக் - குடில்பேணும்
உடலதுபொ றுத்தறக் கடைபெறுபி றப்பினுக்
குணர்வுடைய சித்தமற் - றடிநாயேன்
உழலுமது கற்பலக் கழலிணையெ னக்களித்
துனதுதம ரொக்கவைத் - தருள்வாயே
கொடியவொரு குக்குடக் கொடியவடி விற்புனக்
கொடிபடர்பு யக்கிரிக் - கதிர்வேலா
குமரசம ரச்சினக் குமரவணி யத்தன்மெய்க்
குமரமகிழ் முத்தமிழ்ப் - புலவோனே
தடவிகட மத்தகத் தடவரைய ரத்தரத்
தடலனுச வித்தகத் - துறையோனே
தருமருவு மெத்தலத் தருமருவ முத்தியைத்
தருதிருவி டைக்கழிப் - பெருமாளே. |
| வெற்றிவேல் முருகனுக்கு அரோகரா ! |
4 |
| 796. பழியுறு |
ராகம் - கல்யாணி
தாளம் - கண்டசாபு (2 1/2) |
தனதனனத் தனதான தனதனனத் தனதான
தனதனனத் தனதான - தனதான |
| பாடல் |
பழியுறுசட் டகமான குடிலையெடுத் திழிவான
பகரும்வினைச் செயல்மாதர் - தருமாயப்
படுகுழிபுக் கினிதேறும் வழிதடவித் தெரியாது
பழமைபிதற் றிடுலோக - முழுமூடர்
உழலும்விருப் புடனோது பலசவலைக் கலைதேடி
யொருபயனைத் தெளியாது - விளியாமுன்
உனகமலப் பதநாடி யுருகியுளத் தமுதூற
உனதுதிருப் புகழோத - அருள்வாயே
தெழியுவரிச் சலராசி மொகுமொகெனப் பெருமேரு
திடுதிடெனப் பலபூதர் - விதமாகத்
திமிதிமெனப் பொருசூர னெறுநெறெனப் பலதேவர்
ஜெயஜெயெனக் கொதிவேலை - விடுவோனே
அழகுதரித் திடுநீப சரவணவுற் பலவேல
அடல்தருகெற் சிதநீல - மயில்வீரா
அருணைதீருத் தணிநாக மலைபழநிப் பதிகோடை
அதிபஇடைக் கழிமேவு - பெருமாளே. |
| வெற்றிவேல் முருகனுக்கு அரோகரா ! |
5 |
| 797. பெருக்கமாகிய |
ராகம் -
தாளம் - |
தனத்த தானன தனதன தனதன
தனத்த தானன தனதன தனதன
தனத்த தானன தனதன தனதன - தனதான |
| பாடல் |
பெருக்க மாகிய நிதியினர் வரின்மிக
நகைத்து வாமென அமளிய ருகுவிரல்
பிடித்து போயவர் தொடையொடு தொடைபட - வுறவாடிப்
பிதற்றி யேயள விடுபண மதுதம
திடத்தி லேவரு மளவுந லுரைகொடு
பிலுக்கி யேவெகு சரசமொ டணைகுவர் - கனமாலாய்
முருக்கி னேரித ழமுதுப ருகுமென
வுரைத்து லீலைக ளதிவித மொடுமலை
முலைக்கு ளேதுயில் கொளமயல் புரிகுவர் - பொருள்தீரின்
முறுக்கி யேயுதை கொடுவசை யுரைதரு
மனத்து ரோகிக ளிடுதொழில் வினையற
முடுக்கி யேயுன திருகழல் மலர்தொழ - அருள்தாராய்
நெருக்கி யேவரு மவுணர்கள் குலமற்
வுறுக்கி யேமயில் முதுகினில் விசைகொடு
நிலத்தி லேசமர் பொருதவ ருயிர்பலி - கொளும்வேலா
நெகத்தி லேஅயன் முடிபறி யிறைதிரி
புரத்தி லேநகை புரிபர னடியவர்
நினைப்பி லேயருள் தருசிவ னுதவிய - புதல்வோனே
செருக்கு வேடுவர் தருமொரு சிறுமியை
மருக்கு லாவிய மலரணை மிசைபுணர்
திருக்கை வேல்வடி வழகிய குருபர - முருகோனே
சிறக்கு மாதவ முனிவரர் மகபதி
யிருக்கு வேதனு மிமையவர் பரவிய
திருக்கு ராவடி நிழல்தனி லுலவிய - பெருமாளே. |
| வெற்றிவேல் முருகனுக்கு அரோகரா ! |
6 |
| 798. மருக்குலாவிய |
ராகம் - காபி
தாளம் - சதுஸ்ர ரூபகம் - திஸ்ர நடை (9) (எடுப்பு - அதீதம் வீச்சில் 1 தள்ளி) |
| தனத்த தானன தனதன - தனதான |
| பாடல் |
மருக்கு லாவிய மலரணை - கொதியாதே
வளர்த்த தாய்தமர் வசையது - மொழியாதே
கருக்கு லாவிய அயலவர் - பழியாதே
கடப்ப மாலையை யினிவர - விடவேணும்
தருக்கு லாவிய கொடியிடை - மணவாளா
சமர்த்த னேமணி மரகத - மயில்வீரா
திருக்கு ராவடி நிழல்தனி - லுறைவோனே
திருக்கை வேல்வடி வழகிய - பெருமாளே. |
| வெற்றிவேல் முருகனுக்கு அரோகரா ! |
7 |
| 799. முலைகுலுக்கிகள் |
ராகம் -
தாளம் - |
தனன தத்தன தனதன தனன தத்தன தனதன
தனன தத்தன தனதன - தனதான |
| பாடல் |
முலைகு லுக்கிகள் கபடிகள் வடிபு ழுக்கைக ளசடிகள்
முறைம சக்கிகள் திருடிகள் - மதவேணூல்
மொழிப சப்பிகள் விகடிகள் அழும னத்திகள் தகுநகை
முகமி னுக்கிகள் கசடிகள் - இடையேசூழ்
கலைநெ கிழ்த்திக ளிளைஞர்கள் பொருள் றித்தம
கனியி தழ்ச்சுருள் - பிளவிலை - யொருபாதி
கலவி யிற்றரும் வசவிகள் விழிம யக்கினில் வசமழி
கவலை யற்றிட நினதருள் - புரிவாயே
அலைநெ ருப்பெழ வடவரை பொடிப டச்சம ணர்கள்குலம்
அணிக ழுப்பெற நடவிய - மயில்வீரா
அரன ரிப்பிர மர்கள்முதல் வழிப டப்பிரி யமும்வர
அவர வர்க்கொரு பொருள்புகல் - பெரியோனே
சிலைமொ ளுக்கென முறிபட மிதிலை யிற்சந கமனருள்
திருவி னைப்புண ரரிதிரு - மருகோனே
திரள்வ ருக்கைகள் கமுகுகள் சொரிம துக்கத லிகள்வளர்
திருவி டைக்கழி மருவிய - பெருமாளே. |
| வெற்றிவேல் முருகனுக்கு அரோகரா ! |
8 |
மேலே செல்க
முன்பக்கம்
|
|
|
