தல யாத்திரை - அருணகிரிநாதர் திருப்புகழ் - திருச்செங்கோடு

அருணகிரிநாதர் அருளிய திருப்புகழ்
திருச்செங்கோடு
585. அன்பாக வந்து
ராகம் - ஆஹிரி தாளம் - ஆதி
தந்தான தந்த தந்தான தந்த தந்தான தந்த - தனதான
பாடல்
அன்பாக வந்து உன்றாள் பணிந்து ஐம்பூத மொன்ற - நினையாமல் அன்பால் மிகுந்து நஞ்சாரு கண்க ளம்போரு கங்கள் - முலைதானும் கொந்தே மிகுந்து வண்டாடி நின்று கொண்டாடு கின்ற - குழலாரைக் கொண்டே நினைந்து மன்பேது மண்டி குன்றா மலைந்து - அலைவேனோ மன்றாடி தந்த மைந்தா மிகுந்த வம்பார் கடம்பை - யணிவோனே வந்தே பணிந்து நின்றார் பவங்கள் வம்பே தொலைந்த - வடிவேலா சென்றே யிடங்கள் கந்தா எனும்பொ செஞ்சேவல் கொண்டு - வரவேணும் செஞ்சாலி கஞ்ச மொன்றாய் வளர்ந்த செங்கோ டமர்ந்த - பெருமாளே.
வெற்றிவேல் முருகனுக்கு அரோகரா !	1

586. பந்தாடி யங்கை
ராகம் - தாளம் -
தந்தான தந்த தந்தான தந்த தந்தான தந்த - தனதான
பாடல்
பந்தாடி யங்கை நொந்தார் பரிந்து பைந்தார் புனைந்த - குழல்மீதே பண்பார் சுரும்பு பண்பாடு கின்ற பங்கே ருகங்கொள் - முகமீதே மந்தார மன்றல் சந்தார மொன்றி வன்பாத கஞ்செய் - தனமீதே மண்டாசை கொண்டு விண்டாவி நைந்து மங்காம லுன்ற - னருள்தாராய் கந்தா அரன்றன் மைந்தா விளங்கு கன்றா முகுந்தன் - மருகோனே கன்றா விலங்க லொன்றாறு கண்ட கண்டா வரம்பை - மணவாளா செந்தா தடர்ந்த கொந்தார் கடம்பு திண்டோள் நிரம்ப - அணிவோனே திண்கோ டரங்க ளெண்கோ டுறங்கு செங்கோட மர்ந்த - பெருமாளே.
வெற்றிவேல் முருகனுக்கு அரோகரா !	2

587. வண்டார் மதங்களுண்டே
ராகம் - தாளம் -
தந்தான தந்த தந்தான தந்த தந்தான தந்த - தனதான
பாடல்
வண்டார் மதங்க ளுண்டே மயங்கி வந்தூரு கொண்டே - லதனோடும் வண்காம னம்பு தன்கால் மடங்க வன்போர் மலைந்த - விழிவேலும் கொண்டே வளைந்து கண்டார் தியங்க நின்றார் குரும்பை - முலைமேவிக் கொந்தா ரரும்பு நின்தாள் மறந்து குன்றாம லுன்ற - னருள்தாராய் பண்டாழி சங்கு கொண்டாழி தங்கு பண்போ னகந்த - மருகோனே பண்சார நைந்து நண்போது மன்பர் பங்காகி நின்ற - குமரேசா செண்டாடி யண்டர் கொண்டாட மன்றில் நின்றாடி சிந்தை - மகிழ்வாழ்வே செஞ்சாலி மிஞ்சி மஞ்சாடு கின்ற செங்கோ டமர்ந்த - பெருமாளே.
வெற்றிவேல் முருகனுக்கு அரோகரா !	3

588. கரையறவுருகுதல்
ராகம் - தாளம் -
தனதன தனதன தனதன தனதன தந்தான தந்த - தனதான
பாடல்
கரையற வுருகுதல் தருகயல் விழியினர் கண்டான செஞ்சொல் - மடமாதர் கலவியில் முழுகிய நெறியினி லறிவுக லங்காம யங்கும் - வினையேனும் உரையையு மறிவையும் உயிரையு முணர்வையும் உன்பாத கஞ்ச - மலர்மீதே உரவொடு புனைதர நினைதரு மடியரொ டொன்றாக என்று - பெறுவேனோ வரையிரு துணிபட வளைபடு சுரர்குடி வந்தேற இந்த்ர - புரிவாழ மதவித கஜரத துரகத பததியின் வன்சேனை மங்க - முதுமீன திரைமலி சலநிதி முறையிட நிசிசரர் திண்டாட வென்ற - கதிர்வேலா ஜெகதல மிடிகெட விளைவன வயலணி செங்கோட மர்ந்த - பெருமாளே.
வெற்றிவேல் முருகனுக்கு அரோகரா !	4

589. இடம்பார்த்து
ராகம் - தாளம் -
தனந்தாத் தனந்தாத் தனந்தாத் தனந்தாத் தனந்தாத் தனத்தம் - தனதான
பாடல்
இடம்பார்த் திடம்பார்த் திதங்கேட் டிரந்தேற் றிணங்காப் பசிப்பொங் - கனல்மூழ்கி இறுங்காற் கிறுங்கார்க் கிரும்பார்க் குநெஞ்சார்க் கிரங்கார்க் கியற்றண் - டமிழ்நூலின் உடம்பாட் டுடன்பாட் டியம்பாத் தயங்காத் துளங்காத் திடப்புன் - கவிபாடி ஒதுங்காப் பொதுங்காப் பதுங்காப் புகன்றேத் துறும்பாற் குணக்கன் - புறலாமோ கடந்தோற் கடந்தோற் றறிந்தாட் கருந்தாட் கணைந்தாட் கணித்தின் - புயமீவாய் கரும்போற் கரும்போர்க் குளங்காட் டிகண்டேத் துசெங்கோட் டில்நிற்குங் - கதிர்வேலா அடைந்தோர்க் குணந்தோர்க் களிந்தோர்க் கமைந்தோர்க் கவிழ்ந்தோர்க் குணற்கொன் - றிலதாகி அலைந்தோர்க் குலைந்தோர்க் கினைந்தோர்க் கலந்தோர்க் கறிந்தோர்க் களிக்கும் - பெருமாளே.
வெற்றிவேல் முருகனுக்கு அரோகரா !	5

590. கலக்குங் கோதற
ராகம் - தாளம் -
தனத்தந் தானன தனத்தந் தானன தனத்தந் தானன - தனதான
பாடல்
கலக்குங் கோதற வடிக்குஞ் சீரிய கருப்பஞ் சாறெனு - மொழியாலே கருத்தும் பார்வையு முருக்கும் பாவிகள் கடைக்கண் பார்வையி - லழியாதே விலக்கும் போதக மெனக்கென் றேபெற விருப்பஞ் சாலவு - முடையேனான் வினைக்கொண் டேமன நினைக்குந் தீமையை விடற்கஞ் சேலென - அருள்வாயே அலைக்குந் தானவர் குலத்தின் சேனையை அறுக்குங் கூரிய - வடிவேலா அழைத்துன் சீரிய கழற்செந் தாமரை யடுக்கும் போதக - முடையோராம் சிலர்க்கன் றேகதி பலிக்குந் தேசிக திருச்செங் கோபுர - வயலூரா திதிக்கும் பார்வையின் மதிப்புண் டாகிய திருச்செங் கோடுறை - பெருமாளே.
வெற்றிவேல் முருகனுக்கு அரோகரா !	6

591. துஞ்சு கோட்டி
ராகம் - தாளம் -
தந்த தாத்தத் தனத்தந் தாத்தத் தந்த தாத்தத் தனத்தந் தாத்தத் தந்த தாத்தத் தனத்தந் தாத்தத் - தனதான
பாடல்
துஞ்சு கோட்டிச் சுழற்கண் காட்டிக் கொங்கை நோக்கப் பலர்க்குங் காட்டிக் கொண்ட ணாப்பித் துலக்கஞ் சீர்த்துத் - திரிமானார் தொண்டை வாய்ப்பொற் கருப்பஞ் சாற்றைத் தந்து சேர்த்துக் கலக்குந் தூர்த்தத் துன்ப வாழ்க்கைத் தொழிற்பண் டாட்டத் - துழலாதே கஞ்சம் வாய்த்திட் டவர்க்குங் கூட்டிக் கன்று மேய்த்திட் டவர்க்குங் கூற்றைக் கன்ற மாய்த்திட் டவர்க்குந் தோற்றக் - கிடையாநீ கண்டு வேட்டுப் பொருட் கொண்டாட்டத் தின்ப வாக்யத் தெனக்குங் கேட்கத் தந்து காத்துத் திருக்கண் சாத்தப் - பெறுவேனோ வஞ்ச மாய்ப்புக் கொளிக்குஞ் சூற்கைத் துன்று சூர்ப்பொட் டெழச்சென் றோட்டிப் பண்டு வாட்குட் களிக்குந் தோட்கொத் - துடையோனே வண்டு பாட்டுற் றிசைக்குந் தோட்டத் தண்கு ராப்பொற் புரக்கும் பேற்றித் தொண்டர் கூட்டத் திருக்குந் தோற்றத் - திளையோனே கொஞ்சு வார்த்தைக் கிளித்தண் சேற்கட் குன்ற வேட்டிச் சியைக்கண் காட்டிக் கொண்டு வேட்டுப் புனப்பைங் காட்டிற் - புணர்வோனே கொங்கு லாத்தித் தழைக்குங் காப்பொற் கொண்ட லார்த்துச் சிறக்குங் காட்சிக் கொங்கு நாட்டுத் திருச்செங் கோட்டுப் - பெருமாளே.
வெற்றிவேல் முருகனுக்கு அரோகரா !	7

592. நீலமஞ்சான குழல்
ராகம் - தாளம் -
தானனந் தானதன தானனந் தானதன (6 முறை) - தந்ததான
பாடல்
நீலமஞ் சானகுழல் மாலைவண் டோடுகதி நீடுபந் தாடுவிழி யார்பளிங் கானநகை நீலபொன் சாபநுத லாசையின் தோடசையு நீள்முகந் தாமரையி னார்மொழிந் தாரமொழி நேர்சுகம் போலமு கானகந் தாரர்புய நேர்சுணங் காவிகிளை யேர்சிறந் தார்மலையி - ரண்டுபோல நீளிபங் கோடிளநிர் தேனிருந் தாரமுலை நீடலங் காரசர மோடடைந் தார்மருவி நீள்மணஞ் சாறுபொழி யாவளம் போதிவையி னீலவண் டேவியநல் காமனங் காரநிறை நேசசந் தான அல்குல் காமபண் டாரமுதை நேருசம் போகரிடை நூலொளிர்ந் தாசையுயிர் - சம்பையாரஞ் சாலுபொன் தோகையமை பாளிதஞ் சூழ்சரண தாள்சிலம் போலமிட வேநடந் தானநடை சாதிசந் தானெகின மார்பரந் தோகையென தானெழுங் கோலவிலை மாதரின் பார்கலவி தாவுகொண் டேகலிய நோய்கள்கொண் டேபிறவி தானடைந் தாழுமடி யேனிடஞ் சாலும்வினை - யஞ்சியோடத் தார்கடம் பாடுகழல் பாதசெந் தாமரைகள் தாழ்பெரும் பாதைவழி யேபடிந் தேவருகு தாபம்விண் டேயமுத வாரியுண் டேபசிகள் தாபமுந் தீரதுகிர் போனிறங் காழ்கொளுரு சாரவுஞ் சோதிமுரு காவெனுங் காதல்கொடு தானிருந் தோதஇரு வோரகம் பேறுறுக - விஞ்சைதாராய் சூலியெந் தாய்கவுரி மோகசங் காரிகுழை தோடுகொண் டாடுசிவ காமசுந் தாரிநல தூளணைந் தாளிநிரு வாணியங் காளிகலை தோகைசெந் தாமரையின் மாதுநின் றேதுதிசெய் தூயஅம் பாகழைகொள் தோளிபங் காளக்ருபை தோய்பரன் சேயெனவு மேபெரும் பார்புகழும் - விந்தையோனே சூரசங் காரசுரர் லோகபங் காவறுவர் தோகைமைந் தாகுமர வேள்கடம் பாரதொடை தோளகண் டாபரம தேசிகந் தாவமரர் தோகைபங் காஎனவே தாகமஞ் சூழ்சுருதி தோதகம் பாடமலை யேழுதுண் டாயெழுவர் சோரிகொண் டாறுவர வேலெறிந் தேநடன - முங்கொள்வேலா மாலியன் பாறவொரு ஆடகன் சாகமிகு வாலியும் பாழிமர மோடுகும் பாகனனு மாழியுங் கோரவலி ராவணன் பாறவிடு மாசுகன் கோலமுகி லோனுகந் தோதிடையர் மாதுடன் கூடிவிளை யாடுசம் போகதிரு மார்பகன் காணமுடி யோனணங் கானமதி - யொன்றுமானை மார்புடன் கோடுதன பாரமுஞ் சேரஇடை வார்துவண் டாடமுக மோடுகந் தீரரச வாயிதங் கோதிமணி நூபுரம் பாடமண வாசைகொண் டாடுமயி லாளிதுங் காகுறவி மாதுபங்கா மறைகு லாவுசெங் கோடைநகர் வாழவந் தாய்கரிய மாலயன் தேவர்புகழ் - தம்பிரானே.
வெற்றிவேல் முருகனுக்கு அரோகரா !	8

593. பொன்றலைப் பொய்
ராகம் - தாளம் -
தந்த தத்தத் தந்த தத்தத் தந்த தத்தத் தந்த தத்தத் தந்த தத்தத் தந்த தத்தத் - தனதான
பாடல்
பொன்ற லைப்பொய்க் கும்பி றப்பைத் தும்ப றுத்திட் டின்று நிற்கப் புந்தி யிற்சற் றுங்கு றிக்கைக் - கறியாமே பொங்கி முக்கிச் சங்கை பற்றிச் சிங்கி யொத்தச் சங்க டத்துப் புண்ப டைத்துக் கஞ்ச மைக்கட் - கொடியால்மேல் துன்று மிச்சைப் பண்ட னுக்குப் பண்ப ளித்துச் சம்ப்ர மித்துத் தும்பி பட்சிக் கும்ப்ர சச்செய்ப் - பதிமீதே தொண்டு பட்டுத் தெண்ட னிட்டுக் கண்டு பற்றத் தண்டை வர்க்கத் துங்க ரத்தப் பங்க யத்தைத் - தருவாயே குன்றெ டுத்துப் பந்த டித்துக் கண்சி வத்துச் சங்க ரித்துக் கொண்ட லொத்திட் டிந்த்ர னுக்கிச் - சுரலோகா கொம்பு குத்திச் சம்ப ழுத்தித் திண்ட லத்திற் றண்டு வெற்பைக் கொண்ட முக்கிச் சண்டை யிட்டுப் - பொரும்வேழம் சென்று ரித்துச் சுந்த ரிக்கச் சந்த விர்த்துக் கண்சு கித்துச் சிந்தை யுட்பற் றின்றி நித்தக் - களிகூருஞ் செண்ப கத்துச் சம்பு வுக்குத் தொம்ப தத்துப் பண்பு ரைத்துச் செங்கு வட்டிற் றங்கு சொக்கப் - பெருமாளே.
வெற்றிவேல் முருகனுக்கு அரோகரா !	9

594. மந்தக் கடைக்கண்
ராகம் - தாளம் -
தந்தத் தனத்தந் தாத்தன தந்தத் தனத்தந் தாத்தன தந்தத் தனத்தந் தாத்தன - தனதான
பாடல்
மந்தக் கடைக்கண் காட்டுவர் கந்தக் குழற்பின் காட்டுவர் மஞ்சட் பிணிப்பொன் காட்டுவ - ரநுராக வஞ்சத் திரக்கங் காட்டுவர் நெஞ்சிற் பொருத்தங் காட்டுவர் வண்பற் றிருப்புங் காட்டுவர் - தனபாரச் சந்தப் பொருப்புங் காட்டுவர் உந்திச் சுழிப்புங் காட்டுவர் சங்கக் கழுத்துங் காட்டுவர் - விரகாலே சண்டைப் பிணக்குங் காட்டுவர் பண்டிட் டொடுக்கங் காட்டுவர் தங்கட் கிரங்கங் காட்டுவ - தொழிவேனோ பந்தித் தெருக்கந் தோட்டினை யிந்துச் சடைக்கண் சூட்டுமை பங்கிற் றகப்பன் தாட்டொழு - குருநாதா பைம்பொற் பதக்கம் பூட்டிய அன்பற் கெதிர்க்குங் கூட்டலர் பங்கப் படச்சென் றோட்டிய - வயலூரா கொந்திற் புனத்தின் பாட்டிய லந்தக் குறப்பெண் டாட்டொடு கும்பிட் டிடக்கொண் டாட்டமொ - டணைவோனே குன்றிற் கடப்பந் தோட்டலர் மன்றற் ப்ரசித்தங் கோட்டிய கொங்கிற் றிருச்செங் கோட்டுறை - பெருமாளே.
வெற்றிவேல் முருகனுக்கு அரோகரா !	10

மேலே செல்க

595. மெய்ச்சார் வற்றே
ராகம் - தாளம் -
தத்தா தத்தா தத்தா தத்தா தத்தா தத்தத் - தனதான
பாடல்
மெய்ச்சார் வற்றே பொய்ச்சார் வுற்றே நிச்சார் துற்பப் - பவவேலை விட்டே றிப்போ கொட்டா மற்றே மட்டே யத்தத் - தையர்மேலே பிச்சா யுச்சா கிப்போ ரெய்த்தார் பத்தார் விற்பொற் - கழல்பேணிப் பிற்பால் பட்டே நற்பால் பெற்றார் முற்பா லைக்கற் - பகமேதான் செச்சா லிச்சா லத்தே றிச்சே லுற்றா ணித்துப் - பொழிலேறுஞ் செக்கோ டைக்கோ டுக்கே நிற்பாய் நித்தா செக்கர்க் - கதிரேனல் முச்சா லிச்சா லித்தாள் வெற்பாள் முத்தார் வெட்சிப் - புயவேளே முத்தா முத்தீ யத்தா சுத்தா முத்தா முத்திப் - பெருமாளே.
வெற்றிவேல் முருகனுக்கு அரோகரா !	11

596. வருத்தங் காண
ராகம் - தாளம் -
தனத்தந் தான தானன தனத்தந் தான தானன தனத்தந் தான தானன - தனதான
பாடல்
வருத்தங் காண நாடிய குணத்தன் பான மாதரு மயக்கம் பூண மோதிய - துரமீதே மலக்கங் கூடி யேயின வுயிர்க்குஞ் சேத மாகிய மரிக்கும் பேர்க ளோடுற - வணியாதே பெருத்தும் பாவ நீடிய மலத்தின் தீமை கூடிய பிறப்புந் தீர வேயுன - திருதாளே பெறத்தந் தாள வேயுயர் சுவர்க்கஞ் சேர வேயருள் பெலத்தின் கூர்மை யானது - மொழிவாயே இரத்தம் பாய மேனிக ளுரத்துஞ் சாடி வேல்கொடு எதிர்த்துஞ் சூரர் மாளவெ - பொரும்வேலா இசைக்குந் தாள மேளமெ தனத்தந் தான தானன எனத்திண் கூளி கோடிகள் - புடைசூழத் திருத்தன் பாக வேயொரு மயிற்கொண் டாடி யேபுகழ் செழித்தன் பாப வீறிய - பெருவாழ்வே திரட்சங் கோடை வாவிகள் மிகுத்துங் காவி சூழ்தரு திருச்செங் கோடு மேவிய - பெருமாளே.
வெற்றிவேல் முருகனுக்கு அரோகரா !	12

597. ஆலகால
ராகம் - தாளம் -
தான தானன தத்தன தத்தன தான தானன தத்தன தத்தன தான தானன தத்தன தத்தன - தனதான
பாடல்
ஆல காலப டப்பைம டப்பியர் ஈர வாளற வேற்றும்வி ழிச்சியர் யாவ ராயினு நத்திய ழைப்பவர் - தெருவூடே ஆடி யாடிந டப்பதொர் பிச்சியர் பேசி யாசை கொடுத்தும ருட்டிகள் ஆசை வீசிய ணைக்குமு லைச்சியர் - பலரூடே மாலை யோதிவி ரித்துமு டிப்பவர் சேலை தாழநெ கிழ்த்தரை சுற்றிகள் வாசம் வீசும ணத்தில்மி னுக்கிகள் - உறவாலே மாயை யூடுவி ழுத்திய ழுத்திகள் காம போகவி னைக்குளு னைப்பணி வாழ்வி லாமல்ம லச்சன னத்தினி - லுழல்வேனோ மேலை வானொரு ரைத்தச ரற்கொரு பால னாகியு தித்தொர்மு நிக்கொரு வேள்வி காவல்ந டத்திய கற்குரு - அடியாலே மேவி யேமிதி லைச்சிலை செற்றுமின் மாது தோள்தழு விப்பதி புக்கிட வேறு தாயட விக்குள் விடுத்தபி - னவனோடே ஞான மாதொடு புக்கவ னத்தினில் வாழும் வாலிப டக்கணை தொட்டவ னாடி ராவண னைச்செகு வித்தவன் - மருகோனே ஞான தேசிக சற்குரு உத்தம வேல வாநெரு வைப்பதி வித்தக நாக மாமலை சொற்பெற நிற்பதொர் - பெருமாளே.
வெற்றிவேல் முருகனுக்கு அரோகரா !	13

598. காலனிடத்தணுகாதே
ராகம் - சங்கராபரணம் தாளம் - திஸ்ர ஏகம் (3)
தான தனத் - தனதான
பாடல்
காலனிடத் - தணுகாதே காசினியிற் - பிறவாதே சீலஅகத் - தியஞான தேனமுதைத் - தருவாயே மாலயனுக் - கரியானே மாதவரைப் - பிரியானே நாலுமறைப் - பொருளானே நாககிரிப் - பெருமாளே.
வெற்றிவேல் முருகனுக்கு அரோகரா !	14

599. தாமா தாமா
ராகம் - தாளம் -
தானா தானா தானா தானா தானா தானத் - தனதான
பாடல்
தாமா தாமா லாபா லோகா தாரா தாரத் - தரணீசா தானா சாரோ பாவா பாவோ நாசா பாசத் - தபராத யாமா யாமா தேசா ரூடா யாரா யாபத் - தெனதாவி யாமா காவாய் தீயே னீர்வா யாதே யீமத் - துகலாமோ காமா காமா தீனா நீணா காவாய் காளக் - கிரியாய்கங் காளா லீலா பாலா நீபா காமா மோதக் - கனமானின் தேமார் தேமா காமீ பாகீ தேசா தேசத் - தவரோதுஞ் சேயே வேளே பூவே கோவே தேவே தேவப் - பெருமாளே.
வெற்றிவேல் முருகனுக்கு அரோகரா !	15

600. அத்து கிரினலத
ராகம் - தாளம் -
தத்த தனதனன தத்த தனதனன தத்த தனதனன - தனதான
பாடல்
அத்து கிரினலத ரத்து அலனவள கத்து வளர்செய்புள - கிதபூத ரத்தி ருகமலக ரத்தி தயமுருகி யத்தி யிடனுறையு - நெடுமாம ரத்து மலர்கனிய லைத்து வருமிடைத லத்து ரகசிகரி - பகராதே யத்தி மலவுடல்ந டத்தி யெரிகொள்நிரை யத்தி னிடையடிமை - விழலாமோ தத்து கவனவரி ணத்து வுபநிடவி தத்து முநியுதவு - மொழியாறுத் தத்தை நறவையமு தத்தை நிகர்குறவர் தத்தை தழுவியப - னிருதோளா தத்து ததிதுரக தத்து மிகுதிதிசர் தத்து மலையவுணர் - குலநாகந் தத்த மிசைமரக தத்த மனியமயில் தத்த விடுமமரர் - பெருமாளே.
வெற்றிவேல் முருகனுக்கு அரோகரா !	16

601. அத்த வேட்கை
ராகம் - தாளம் -
தத்த தாத்தத் தத்த தாத்தத் தத்த தாத்தத் - தனதான
பாடல்
அத்த வேட்கைப் பற்றி நோக்கத் தத்தை மார்க்குத் - தமராயன் பற்ற கூட்டத் திற்ப ராக்குற் றச்சு தோட்பற் - றியவோடும் சித்த மீட்டுப் பொய்த்த வாழ்க்கைச் சிக்கை நீக்கித் - திணிதாய சித்ர வாக்குப் பெற்று வாழ்த்திச் செச்சை சாத்தப் - பெறுவேனோ கொத்து நூற்றுப் பத்து நாட்டக் கொற்ற வேத்துக் - கரசாய குக்கு டாத்தச் சர்ப்ப கோத்ரப் பொற்ப வேற்கைக் - குமரேசா தத்வ நாற்பத் தெட்டு நாற்பத் தெட்டு மேற்றுத் - திடமேவும் தர்க்க சாத்ரத் தக்க மார்க்கச் சத்ய வாக்யப் - பெருமாளே.
வெற்றிவேல் முருகனுக்கு அரோகரா !	17

602. பத்தர் கணப்ரிய
ராகம் - பீம்பளாஸ் தாளம் - ஆதி (எடுப்பு - 3/4 இடம்)
தத்தன தத்ததன தத்தன தத்தன தத்தன தத்தன - தனதான
பாடல்
பத்தர்க ணப்ரிய நிர்த்தந டித்திடு பட்சிந டத்திய - குகபூர்வ பச்சிம தட்சிண வுத்தர திக்குள பத்தர்க ளற்புத - மெனவோதுஞ் சித்ரக வித்துவ சத்தமி குத்ததி ருப்புக ழைச்சிறி - தடியேனுஞ் செப்பென வைத்துல கிற்பர வத்தெரி சித்தவ நுக்ரக - மறவேனே கத்திய தத்தைக ளைத்துவி ழத்திரி கற்கவ ணிட்டெறி - தினைகாவல் கற்றகு றத்திநி றத்தக ழுத்தடி கட்டிய ணைத்தப - னிருதோளா சத்தியை யொக்கஇ டத்தினில் வைத்தத கப்பனு மெச்சிட - மறைநூலின் தத்துவ தற்பர முற்றுமு ணர்த்திய சர்ப்பகி ரிச்சுரர் - பெருமாளே.
வெற்றிவேல் முருகனுக்கு அரோகரா !	18

603. புற்புதமெனாம
ராகம் - நவரஸ கன்னட தாளம் - ஆதி
தத்ததன தான தத்ததன தான தத்ததன தான - தனதான
பாடல்
புற்புதமெ னாம அற்பநிலை யாத பொய்க்குடில்கு லாவு - மனையாளும் புத்திரரும் வீடு மித்திரரு மான புத்திசலி யாத - பெருவாழ்வு நிற்பதொரு கோடி கற்பமென மாய நிட்டையுடன் வாழு - மடியேன்யான் நித்தநின தாளில் வைத்ததொரு காதல் நிற்கும்வகை யோத - நினைவாயே சற்பகிரி நாத முத்தமிழ்வி நோத சக்ரகதை பாணி - மருகோனே தர்க்கசமண் மூகர் மிக்ககழு வேற வைத்தவொரு காழி - மறையோனே கற்புவழு வாது வெற்படியின் மேவு கற்றைமற வாணர் - கொடிகோவே கைத்தஅசு ரேசர் மொய்த்தகுல கால கற்பதரு நாடர் - பெருமாளே.
வெற்றிவேல் முருகனுக்கு அரோகரா !	19

604. பொற்சித்ர
ராகம் - தாளம் -
தத்தத்தத் தத்தத் தத்தத் தத்தத்தத் தத்தத் தத்தத் தத்தத்தத் தத்தத் தத்தத் - தனதான
பாடல்
பொற்சித்ரப் பச்சைப் பட்டுக் கச்சிட்டுக் கட்டிப் பத்மப் புட்பத்துக் கொப்பக் கற்பித் - திளைஞோர்கள் புட்பட்டுச் செப்பத் துப்பற் கொத்தப்பொற் றித்தத் திட்பப் பொற்பிற்பெற் றுக்ரச் சக்ரத் - தனமானார் கற்சித்தச் சுத்தப் பொய்ப்பித் தத்திற்புக் கிட்டப் பட்டுக் கைக்குத்திட் டிட்டுச் சுற்றித் - திரியாமல் கற்றுற்றுச் சித்திக் கைக்குச் சித்திப்பப் பக்ஷத் திற்சொற் கற்பித்தொப் பித்துக் கொற்றக் - கழல்தாராய் குற்சித்துக் கொட்டுக் கொட்டுத் துக்கச்சத் துக்குக் குக்குக் குக்குக்குக் குக்குக் குக்குக் - கெனமாறா குட்சிக்குப் பக்ஷக் கைக்குக் கக்ஷத்திற் பட்சத் தத்தக் கொட்டிச்சுட் டிக்கொக் ரிக்குக் - குடதாரி சற்சித்துத் தொற்புத் திப்பட் சத்தர்க்கொப் பித்தட் சத்துச் சத்தத்தைச் சத்திக் கொச்சைப் - பதிவாழ்வே தக்ஷப்பற் றுக்கெர்ப் பத்திற் செற்பற்றைச் செற்றிட் டுச்சச் சற்பப்பொற் றைக்குட் சொக்கப் - பெருமாளே.
வெற்றிவேல் முருகனுக்கு அரோகரா !	20

605. கொடிய மறலியும்
ராகம் - சந்தர கௌன்ஸ் தாளம் - அங்கதாளம் (7 1/2) தகிட - 1 1/2, தகதிமி - 2, தகதிமி - 2, தகதிமி - 2
தனன தனதன தனதன தனதன தனன தனதன தனதன தனதன தனன தனதன தனதன தனதன - தனதான
பாடல்
கொடிய மறலியு மவனது கடகமு மடிய வொருதின மிருபதம் வழிபடு குதலை யடியவ னினதருள் கொடுபொரு - மமர்காண குறவர் மகள்புணர் புயகிரி சமுகமு மறுமு கமும்வெகு நயனமும் ரவியுமிழ் கொடியு மகிலமும் வெளிபட இருதிசை - யிலுநாலும் படியு நெடியன எழுபுன ரியுமுது திகிரி திகிரியும் வருகென வருதகு பவுரி வருமொரு மரகத துரகத - மிசையேறிப் பழய அடியவ ருடனிமை யவர்கண மிருபு டையுமிகு தமிழ்கொடு மறைகொடு பரவ வருமதி லருணையி லொருவிசை - வரவேணும் சடில தரவிட தரபணி தரதர பரசு தரசசி தரசுசி தரவித தமரு கமிருக தரவனி தரசிர - தரபாதத் தரணி தரதநு தரவெகு முககுல தடினி தரசிவ சுதகுண தரபணி சயில விதரண தருபுர சசிதரு - மயில்வாழ்வே நெடிய வுடலுரு இருளெழ நிலவெழ எயிறு சுழல்விழி தழலெழ எழுகிரி நெரிய அதிர்குரல் புகையெழ இடியெழ - நெடுவானும் நிலனும் வெருவர வருநிசி சரர்தள நிகல சகலமு மடியவொர் படைதொடு நிருப குருபர சுரபதி பரவிய - பெருமாளே.
வெற்றிவேல் முருகனுக்கு அரோகரா !	21

மேலே செல்க

முன்பக்கம்


© 2006 www.templeyatra.com - All Rights Reserved. Designed by www.templeyatra.com