தல யாத்திரை - அருணகிரிநாதர் திருப்புகழ் - சிறுவை (சிறுவாபுரி)

அருணகிரிநாதர் அருளிய திருப்புகழ்
சிறுவை (சிறுவாபுரி)
724. அண்டர்பதி குடியேற
ராகம் - சிந்து பைரவி தாளம் - கண்டசாபு (2 1/2) (எடுப்பு - 3/4 தள்ளி)
தந்ததன தனதான தந்ததன தனதான தந்ததன தனதான - தனதான
பாடல்
அண்டர்பதி குடியேற மண்டசுரர் உருமாற அண்டர்மன மகிழ்மீற - வருளாலே அந்தரியொ டுடனாடு சங்கரனு மகிழ்கூர ஐங்கரனு முமையாளு - மகிழ்வாக மண்டலமு முநிவோடு மெண்டிசையி லுளபேரு மஞ்சினனு மயனாரு - மெதிர்காண மங்கையுட னரிதானு மின்பமுற மகிழ்கூற மைந்துமயி லுடனாடி - வரவேணும் புண்டரிக விழியாள அண்டர்மகள் மணவாளா புந்திநிறை யறிவாள - வுயர்தோளா பொங்குகட லுடனாகம் விண்டுவரை யிகல்சாடு பொன்பரவு கதிர்வீசு - வடிவேலா தண்டரள மணிமார்ப செம்பொனெழில் செறிரூப தண்டமிழின் மிகுநேய - முருகேசா சந்தமு மடியார்கள் சிந்தையது குடியான தண்சிறுவை தனில்மேவு - பெருமாளே.
வெற்றிவேல் முருகனுக்கு அரோகரா !	1

725. சீதள வாரிஜ
ராகம் - கேதாரம் தாளம் - அங்கதாளம் (8 1/2) (எடுப்பு - 1/2 தள்ளி) தகதிமி தகதிமி - 4, தகதகிட - 2 1/2, தகதிமி - 2
தானன தானன தானன தானன தானன தானன தானன தானன தானன தானன தானன தானன - தனதான
பாடல்
சீதள வாரிஜ பாதாந மோநம நாரத கீதவி நோதந மோநம சேவல மாமயில் ப்ரீதாந மோநம - மறைதேடுஞ் சேகர மானப்ர தாபாந மோநம ஆகம சாரசொ ரூபாந மோநம தேவர்கள் சேனைம கீபாந மோநம - கதிதோயப் பாதக நீவுகு டாராந மோநம மாவசு ரேசக டோராந மோநம பாரினி லேஜய வீராந மோநம - மலைமாது பார்வதி யாள்தரு பாலாந மோநம நாவல ஞானம னோலாந மோநம பாலகு மாரசு வாமீந மோநம - அருள்தாராய் போதக மாமுக னேரான சோதர நீறணி வேணியர் நேயாப்ர பாகர பூமக ளார்மரு கேசாம கோததி - யிகல்சூரா போதக மாமறை ஞானாத யாகர தேனவிழ் நீபந றாவாரு மார்பக பூரண மாமதி போலாறு மாமுக - முருகேசா மாதவர் தேவர்க ளோடேமு ராரியு மாமலர் மீதுறை வேதாவு மேபுகழ் மாநில மேழினு மேலான நாயக - வடிவேலா வானவ ரூரினும் வீறாகி வீறள காபுரி வாழ்வினு மேலாக வேதிரு வாழ்சிறு வாபுரி வாழ்வேசு ராதிபர் - பெருமாளே.
வெற்றிவேல் முருகனுக்கு அரோகரா !	2

726. பிறவியான சடம்
ராகம் - பீம்பளாஸ் தாளம் - ஆதி - திஸ்ரநடை (12)
தனன தான தனன தந்த தனன தான தனன தந்த தனன தான தனன தந்த - தனதான
பாடல்
பிறவி யான சடமி றங்கி வழியி லாத துறைவெ றிந்து பிணிக ளான துயரு ழன்று - தடுமாறிப் பெருகு தீய வினையி னொந்து கதிக டோறு மலைபொ ருந்தி பிடிப டாத ஜனன நம்பி - யழியாதே நறைவி ழாத மலர்மு கந்த வரிய மோன வழிதி றந்த நளின பாத மெனது சிந்தை - யகலாதே நரர்சு ராதி பரும்வ ணங்கு மினிய சேவை தனைவி ரும்பி நலன தாக அடிய னென்று - பெறுவேனோ பொறிவ ழாத முநிவர் தங்கள் நெறிவ ழாத பிலனு ழன்று பொருநி சாச ரனைநி னைந்து - வினைநாடிப் பொருவி லாம லருள்பு ரிந்து மயிலி னேறி நொடியில் வந்து புளக மேவ தமிழ்பு னைந்த - முருகோனே சிறுவ ராகி யிருவ ரந்த கரிப தாதி கொடுபொ ருஞ்சொல் சிலையி ராம னுடனெ திர்ந்து - சமராடிச் செயம தான நகர மர்ந்த அளகை போல வளமி குந்த சிறுவை மேவி வரமி குந்த - பெருமாளே.
வெற்றிவேல் முருகனுக்கு அரோகரா !	3

727. வேலிரண்டெனும்
ராகம் - தாளம் -
தான தந்தன தானன தானன தான தந்தன தானன தானன தான தந்தன தானன தானன - தனதான
பாடல்
வேலி ரண்டெனு நீள்விழி மாதர்கள் காத லின்பொருள் மேவின பாதகர் வீணில் விண்டுள நாடிய ரூமைகள் - விலைகூறி வேளை யென்பதி லாவசை பேசியர் வேசி யென்பவ ராமிசை மோகிகள் மீது நெஞ்சழி யாசையி லேயுழல் - சிறியேனும் மால யன்பர னாரிமை யோர்முனி வோர் புரந்தர னாதிய ரேதொழ மாத வம்பெறு தாளிணை யேதின - மறவாதே வாழ்த ருஞ்சிவ போகந னூனெறி யேவி ரும்பி வினாவுட னேதொழ வாழ்வ ரந்தரு வாயடி யேனிடர் - களைவாயே நீல சுந்தரி கோமளி யாமளி நாட கம்பயில் நாரணி பூரணி நீடு பஞ்சவி சூலினி மாலினி - யுமைகாளி நேயர் பங்கெழு மாதவி யாள்சிவ காம சுந்தரி யேதரு பாலக நீர்பொ ருஞ்சடை யாரருள் தேசிக - முருகேச ஆலில் நின்றுல கோர்நிலை யேபெற மாநி லங்களெ லாநிலை யேதரு ஆய னந்திரு வூரக மால்திரு - மருகோனே ஆட கம்பயில் கோபுர மாமதி லால யம்பல வீதியு மேநிறை வான தென்சிறு வாபுரி மேவிய - பெருமாளே.
வெற்றிவேல் முருகனுக்கு அரோகரா !	4

மேலே செல்க

முன்பக்கம்


© 2006 www.templeyatra.com - All Rights Reserved. Designed by www.templeyatra.com