தல யாத்திரை - அருணகிரிநாதர் திருப்புகழ் - கதிர்காமம்

அருணகிரிநாதர் அருளிய திருப்புகழ்
கதிர்காமம்
636. திருமகள்
ராகம் - குந்தல வராலி தாளம் - ஆதி
தனதனன தான தனதனன தான தனதனன தான - தனதான
பாடல்
திருமக ளுலாவு மிருபுய முராரி திருமருக நாமப் - பெருமாள்காண் செகதலமும் வானு மிகுதிபெறு பாடல் தெரிதரு குமாரப் - பெருமாள்காண் மருவுமடி யார்கள் மனதில்விளை யாடு மரகதம யூரப் - பெருமாள்காண் மணிதரளம் வீசி யணியருவி சூழ மருவுகதிர் காமப் - பெருமாள்காண் அருவரைகள் நீறு படஅசுரர் மாள அமர்பொருத வீரப் - பெருமாள்காண் அரவுபிறை வாரி விரவுசடை வேணி அமலர்குரு நாதப் - பெருமாள்காண் இருவினையி லாத தருவினைவி டாத இமையவர்கு லேசப் - பெருமாள்காண் இலகுசிலை வேடர் கொடியினதி பார இருதனவி நோதப் - பெருமாளே.
வெற்றிவேல் முருகனுக்கு அரோகரா !	1

637. அலகின் மாறு
ராகம் - தாளம் -
தனன தான தானான தனன தான தானான தனன தான தானான - தனதான
பாடல்
அலகின் மாறு மாறாத கலதி பூத வேதாளி அடைவில் ஞாளி கோமாளி - அறமீயா அழிவு கோளி நாணாது புழுகு பூசி வாழ்மாதர் அருளி லாத தோடோய - மருளாகிப் பலக லாக ராமேரு மலைக ராச லாவீசு பருவ மேக மேதாரு - வெனயாதும் பரிவு றாத மாபாதர் வரிசை பாடி யோயாத பரிசில் தேடி மாயாத - படிபாராய் இலகு வேலை நீள்வாடை யெரிகொள் வேலை மாசூரி லெறியும் வேலை மாறாத - திறல்வீரா இமள மாது பாகீர திநதி பால காசார லிறைவி கான மால்வேடர் - சுதைபாகா கலக வாரி போல்மோதி வடவை யாறு சூழ்சீத கதிர காம மூதூரி - லிளையோனே கனக நாடு வீடாய கடவுள் யானை வாழ்வான கருணை மேரு வேதேவர் - பெருமாளே.
வெற்றிவேல் முருகனுக்கு அரோகரா !	2

638. உடுக்கத் துகில்
ராகம் - காம்போதி தாளம் - மிஸ்ரசாபு (3 1/2) தகிட - 1 1/2, தகதிமி - 2
தனத்தத் தனதான தானன தனத்தத் தனதான தானன தனத்தத் தனதான தானன - தனதான
பாடல்
உடுக்கத் துகில்வேணு நீள்பசி யவிக்கக் கனபானம் வேணுநல் ஒளிக்குப் புனலாடை வேணுமெய் - யுறுநோயை ஒழிக்கப் பரிகாரம் வேணுமுள் இருக்கச் சிறுநாரி வேணுமொர் படுக்கத் தனிவீடு வேணுமிவ் - வகையாவுங் கிடைத்துக் க்ருஹவாசி யாகிய மயக்கக் கடலாடி நீடிய கிளைக்குப் பரிபால னாயுயி - ரவமேபோம் க்ருபைச்சித் தமுஞான போதமு மழைத்துத் தரவேணு மூழ்பவ கிரிக்குட் சூழல்வேனை யாளுவ - தொருநாளே குடக்குச் சிலதூதர் தேடுக வடக்குச் சிலதூதர் நாடுக குணக்குச் சிலதூதர் தேடுக - வெனமேவிக் குறிப்பிற் குறிகாணு மாருதி யினித்தெற் கொருதூது போவது குறிப்பிற் குறிபோன போதிலும் - வரலாமோ அடிக்குத் திரகார ராகிய அரக்கர்க் கிளையாத தீரனு மலைக்கப் புறமேவி மாதூறு - வனமேசென் றருட்பொற் றிருவாழி மோதிர மளித்துற் றவர்மேல் மனோகர மளித்துக் கதிர்காம மேவிய - பெருமாளே.
வெற்றிவேல் முருகனுக்கு அரோகரா !	3

639. எதிரிலாத
ராகம் - சக்ரவாஹம் தாளம் - திஸ்ரரூபகம் - திஸ்ரநடை (7 1/2) (எடுப்பு - /3 0)
தனன தான தத்த - தனதான
பாடல்
எதிரி லாத பத்தி - தனைமேவி இனிய தாள்நி னைப்பை - யிருபோதும் இதய வாரி திக்கு - ளுறவாகி எனது ளேசி றக்க - அருள்வாயே கதிர காம வெற்பி - லுறைவோனே கனக மேரு வொத்த - புயவீரா மதுர வாணி யுற்ற - கழலோனே வழுதி கூனி மிர்த்த - பெருமாளே.
வெற்றிவேல் முருகனுக்கு அரோகரா !	4

640. கடகட கருவிகள்
ராகம் - தோடி தாளம் - ஆதி (2 களை)
தனதன தனதன தனதன தனதன தானத் தனந்தந் - தனதான
பாடல்
கடகட கருவிகள் தபவகி ரதிர்கதிர் காமத் தரங்கம் - மலைவீரா கனகத நககுலி புணரித குணகுக காமத் தனஞ்சம் - புயனோட வடசிக ரகிரித விடுபட நடமிடு மாவிற் புகுங்கந் - தவழாது வழிவழி தமரென வழிபடு கிலனென வாவிக் கினம்பொன் - றிடுமோதான் அடவியி ருடியபி நவகும ரியடிமை யாயப் புனஞ்சென் - றயர்வோனே அயிலவ சமுடன ததிதிரி தருகவி யாளப் புயங்கொண் - டருள்வோனே இடமொரு மரகத மயில்மிசை வடிவுள ஏழைக் கிடங்கண் - டவர்வாழ்வே இதமொழி பகரினு மதமொழி பகரினு மேழைக் கிரங்கும் - பெருமாளே.
வெற்றிவேல் முருகனுக்கு அரோகரா !	5

641. சமரமுக
ராகம் - தாளம் -
தனதனன தானத்த தனதனன தானத்த தனதனன தானத்த - தனதான தானனா
பாடல்
சமரமுக வேலொத்த விழிபுரள வாரிட்ட தனமசைய வீதிக்குள் - மயில்போ லுலாவியே சரியைக்ரியை யோகத்தின் வழிவருக்கு பாசுத்தர் தமையுணர ராகத்தின் - வசமாக மேவியே உமதடிய னாருக்கு மனுமரண மாயைக்கு முரியவர் மகாதத்தை - யெனுமாய மாதரார் ஒளிரமளி பீடத்தி லமடுபடு வேனுக்கு முனதருள்க்ரு பாசித்த - மருள்கூர வேணுமே இடகிரிகு மாரத்தி யநுபவைப ராசத்தி யெழுதரிய காயத்ரி - யுமையாள் குமாரனே எயினர்மட மானுக்கு மடலெழுதி மோகித்து இதணருகு சேவிக்கு - முருகா விசாகனே அமரர்சிறை மீள்விக்க அமர்செய்துப்ர தாபிக்கு மதிகவித சாமர்த்ய - கவிராஜ ராஜனே அழுதுலகை வாழ்வித்த கவுணியகு லாதித்த அரியகதிர் காமத்தி - லுரியாபி ராமனே.
வெற்றிவேல் முருகனுக்கு அரோகரா !	6

642. சரத்தேயுதித்தாய்
ராகம் - காபி தாளம் - ஆதி - கண்ட நடை (20) (எடுப்பு - அதீதம்)
தனத்தா தனத்தா தனத்தா தனத்தா தனத்தா தனத்தா - தனதான
பாடல்
சரத்தே யுதித்தா யுரத்தே குதித்தே சமர்த்தா யெதிர்த்தே - வருசூரைச் சரிப்போன மட்டே விடுத்தா யடுத்தாய் தகர்த்தா யுடற்றா - னிருகூறாச் சிரத்தோ டுரத்தோ டறுத்தே குவித்தாய் செகுத்தாய் பலத்தார் - விருதாகச் சிறைச்சேவல் பெற்றாய் வலக்கார முற்றாய் திருத்தா மரைத்தா - ளருள்வாயே புரத்தாதர் வரத்தார் சரச்சே கரத்தார் பொரத்தா னெதிர்த்தே - வருபோது பொறுத்தார் பரித்தார் சிரித்தா ரெரித்தார் பொரித்தார் நுதற்பார் - வையிலேபின் கரித்தோ லுரித்தார் விரித்தார் தரித்தார் கருத்தார் மருத்தூர் - மதனாரைக் கரிக்கோல மிட்டார் கணுக்கான முத்தே கதிர்க்காம முற்றார் - முருகோனே.
வெற்றிவேல் முருகனுக்கு அரோகரா !	7

643. சரியையாளர்
ராகம் - தாளம் -
தனதனா தத்தனத் தனதனா தத்தனத் தனதனா தத்தனத் - தனதான
பாடல்
சரியையா ளர்க்குமக் கிரியையா ளர்க்குநற் சகலயோ கர்க்குமெட் - டரிதாய சமயபே தத்தினுக் கணுகொணா மெய்ப்பொருட் டருபரா சத்தியிற் - பரமான துரியமே லற்புதப் பரமஞா னத்தனிச் சுடர்வியா பித்தநற் - பதிநீடு துகளில்சா யுச்சியக் கதியையீ றற்றசொற் சுகசொரூ பத்தையுற் - றடைவேனோ புரிசைசூழ் செய்ப்பதிக் குரியசா மர்த்யசற் புருஷவீ ரத்துவிக் - ரமசூரன் புரளவேல் தொட்டகைக் குமரமேன் மைத்திருப் புகழையோ தற்கெனக் - கருள்வோனே கரியயூ கத்திரட் பலவின்மீ திற்சுளைக் கனிகள்பீ றிப்புசித் - தமராடிக் கதலிசூ தத்தினிற் பயிலுமீ ழத்தினிற் கதிரகா மக்கிரிப் - பெருமாளே.
வெற்றிவேல் முருகனுக்கு அரோகரா !	8

644. பாரவித
ராகம் - தாளம் -
தானதன தத்தத்த தானதன தத்தத்த தானதன தத்தத்த - தனதான
பாடல்
பாரவித முத்தப்ப டீரபுள கப்பொற்ப யோதர நெருக்குற்ற - இடையாலே பாகளவு தித்தித்த கீதமொழி யிற்புட்ப பாணவிழி யிற்பொத்தி - விடுமாதர் காரணி குழற்கற்றை மேல்மகர மொப்பித்த காதில்முக வட்டத்தி - லதிமோக காமுக னகப்பட்ட வாசையைம றப்பித்த கால்களைம றக்கைக்கும் - வருமோதான் தேரிரவி யுட்கிப்பு காமுதுபு ரத்திற்றெ சாசிரனை மர்த்தித்த - அரிமாயன் சீர்மருக அத்யுக்ர யானைபடும் ரத்நத்ரி கோணசயி லத்துக்ர - கதிர்காம வீரபுன வெற்பிற்க லாபியெயி னச்சிக்கு மேகலை யிடைக்கொத்தி - னிருதாளின் வேரிமழை யிற்பச்சை வேயிலரு ணக்கற்றை வேல்களில கப்பட்ட - பெருமாளே.
வெற்றிவேல் முருகனுக்கு அரோகரா !	9

645. மருவறா வெற்றி
ராகம் - தாளம் -
தனதனா தத்த தனதனா தத்த தனதனா தத்த - தனதான
பாடல்
மருவறா வெற்றி மலர்தொடா விற்கை வலிசெயா நிற்கு - மதனாலும் மதில்கள்தா வுற்ற கலைபடா வட்ட மதிசுடா நிற்கு - மதனாலும் இருகணால் முத்த முதிரயா மத்தி னிரவினால் நித்த- மெலியாதே இடருறா மெத்த மயல்கொளா நிற்கு மிவளைவாழ் விக்க - வரவேணும் கரிகள்சேர் வெற்பி லரியவே டிச்சி கலவிகூர் சித்ர - மணிமார்பா கனகமா ணிக்க வடிவனே மிக்க கதிரகா மத்தி - லுறைவோனே முருகனே பத்த ரருகனே முத்தி முதல்வனே பச்சை - மயில்வீரா முடுகிமே லிட்ட கொடியசூர் கெட்டு முறியவேல் தொட்ட - பெருமாளே.
வெற்றிவேல் முருகனுக்கு அரோகரா !	10

646. மாதர்வசம்
ராகம் - குந்தல வராலி தாளம் - அங்கதாளம் (7) தகதகிட - 2 1/2, தகிட - 1 1/2, தகதிமிதக - 3
தானதன தானத் - தனதான
பாடல்
மாதர்வச மாயுற் - றுழல்வாரும் மாதவமெ ணாமற் - றிரிவாரும் தீதகல வோதிப் - பணியாரும் தீநரக மீதிற் - றிகழ்வாரே நாதவொளி யேநற் - குணசீலா நாரியிரு வோரைப் - புணர்வேலா சோதிசிவ ஞானக் - குமரேசா தோமில் கதிர்காமப் - பெருமாளே.
வெற்றிவேல் முருகனுக்கு அரோகரா !	11

647. முதிரு மார
ராகம் - தாளம் -
தனன தான தான தத்த தனன தான தான தத்த தனன தான தான தத்த - தனதான
பாடல்
முதிரு மார வார நட்பொ டிலகு மார வார மெற்றி முனியு மார வார முற்ற - கடலாலே முடிவி லாத தோர் வடக்கி லெயு மால மார்பி டத்து முழுகி யேறி மேலெ றிக்கு - நிலவாலே வெதிரி லாயர் வாயில் வைத்து மதுர ராக நீடி சைக்கும் வினைவி டாத தாய ருக்கு - மழியாதே விளையு மோக போக முற்றி அளவி லாத காதல் பெற்ற விகட மாதை நீ யணைக்க - வரவேணும் கதிர காம மாந கர்க்கு ளெதிரி லாத வேல்த ரித்த கடவு ளேக லாப சித்ர - மயில்வீரா கயலு லாம்வி லோச னத்தி களப மார்ப யோத ரத்தி ககன மேவு வாளொ ருத்தி - மணவாளா அதிர வீசி யாடும் வெற்றி விடையி லேறு மீசர் கற்க அரிய ஞான வாச கத்தை - யருள்வோனே அகில லோக மீது சுற்றி யசுரர் லோக நீறெ ழுப்பி அமரர் லோகம் வாழ வைத்த - பெருமாளே.
வெற்றிவேல் முருகனுக்கு அரோகரா !	12

648. வருபவர்கள் ஓலை
ராகம் - பீம்பளாஸ் தாளம் - அங்கதாளம் (5 1/2) தகதகிட - 2 1/2, தகிட - 1 1/2, தகிட - 1 1/2
தனதனன தான தந்த தனதனன தான தந்த தனதனன தான தந்த - தனதான
பாடல்
வருபவர்க ளோலை கொண்டு நமனுடைய தூத ரென்று மடிபிடிய தாக நின்று - தொடர்போது மயலதுபொ லாத வம்பன் விரகுடைய னாகு மென்று வசைகளுட னேதொ டர்ந்து - அடைவார்கள் கருவியத னாலெ றிந்து சதைகள்தனை யேய ரிந்து கரியபுன லேசொ ரிந்து - விடவேதான் கழுமுனையி லேயி ரென்று விடுமெனும வேளை கண்டு கடுகிவர வேணு மெந்தன் - முனமேதான் பரகிரியு லாவு செந்தி மலையினுட னேயி டும்பன் பழநிதனி லேயி ருந்த - குமரேசா பதிகள் பல வாயி ரங்கள் மலைகள்வெகு கோடி நின்ற பதமடியர் காண வந்த - கதிர்காமா அரவுபிறை பூளை தும்பை விலுவமொடு தூர்வை கொன்றை யணிவர் சடை யாளர் தந்த - முருகோனே அரகரசி வாய சம்பு குருபரகு மார நம்பு மடியர்தமை யாள வந்த - பெருமாளே.
வெற்றிவேல் முருகனுக்கு அரோகரா !	13

மேலே செல்க

முன்பக்கம்


© 2006 www.templeyatra.com - All Rights Reserved. Designed by www.templeyatra.com