தல யாத்திரை - அருணகிரிநாதர் திருப்புகழ் - வைத்தீஸ்வரன் கோயில்

அருணகிரிநாதர் அருளிய திருப்புகழ்
வைத்தீஸ்வரன் கோயில்
779. உரத்துறை போத
ராகம் - வாசஸ்பதி தாளம் - சதுஸ்ர ஜம்பை (7)
தனத்தன தானத் - தனதான
பாடல்
உரத்துறை போதத் - தனியான உனைச்சிறி தோதத் - தெரியாது மரத்துறை போலுற் - றடியேனும் மலத்திருள் மூடிக் - கெடலாமோ பரத்துறை சீலத் - தவர்வாழ்வே பணித்தடி வாழ்வுற் - றருள்வோனே வரத்துறை நீதர்க் - கொருசேயே வயித்திய நாதப் - பெருமாளே.
வெற்றிவேல் முருகனுக்கு அரோகரா !	1

780. எத்தனை கோடி
ராகம் - திலங் தாளம் - திஸ்ர ரூபகம் (5) 0/3 தகதிமி - 2, தகிட - 1 1/2, தகிட - 1 1/2
தத்தன தான தான தத்தன தான தான தத்தன தான தான - தனதான
பாடல்
எத்தனை கோடி கோடி விட்டுட லோடி யாடி யெத்தனை கோடி போன - தளவேதோ இப்படி மோக போக மிப்படி யாகி யாகி யிப்படி யாவ தேது - இனிமேலோ சித்திடில் சீசி சீசி குத்திர மாய மாயை சிக்கினி லாயு மாயு - மடியேனைச் சித்தினி லாட லோடு முத்தமிழ் வாண ரோது சித்திர ஞான பாத - மருள்வாயே நித்தமு மோது வார்கள் சித்தமெ வீட தாக நிர்த்தம தாடு மாறு - முகவோனே நிட்கள ரூபர் பாதி பச்சுரு வான மூணு நெட்டிலை சூல பாணி - யருள்பாலா பைத்தலை நீடு மாயி ரத்தலை மீது பீறு பத்திர பாத நீல - மயில்வீரா பச்சிள பூக பாளை செய்க்கயல் தாவு வேளூர் பற்றிய மூவர் தேவர் - பெருமாளே.
வெற்றிவேல் முருகனுக்கு அரோகரா !	2

781. பாட கச்சிலம்
ராகம் - தாளம் -
தான தத்தனந் தான தத்ததன தான தத்தனந் தான தத்ததன தான தத்தனந் தான தத்ததன - தனதான
பாடல்
பாட கச்சிலம் போடு செச்சைமணி கோவெ னக்கலந் தாடு பொற்சரணர் பாவை சித்திரம் போல்வர் பட்டுடையி - னிடைநூலார் பார பொற்றனங் கோபு ரச்சிகர மாமெ னப்படர்ந் தேம லிப்பரித மாகு நற்கரும் போடு சர்க்கரையின் - மொழிமாதர் ஏட கக்குலஞ் சேரு மைக்குழலொ டாட ளிக்குலம் பாட நற்றெருவி லேகி புட்குலம் போல பற்பலசொ - லிசைபாடி ஏறி யிச்சகம் பேசி யெத்தியிதம் வாரு முற்பணந் தாரு மிட்டமென ஏணி வைத்துவந் தேற விட்டிடுவர் - செயலாமோ சேட னக்கசண் டாள ரக்கர்குல மாள அட்டகுன் றேழ லைக்கடல்கள் சேர வற்றநின் றாட யிற்கரமி - ரறுதோள்மேல் சேணி லத்தர்பொன் பூவை விட்டிருடி யோர்கள் கட்டியம் பாட எட்டரசர் சேசெ யொத்தசெந் தாம ரைக்கிழவி - புகழ்வேலா நாட கப்புனங் காவ லுற்றசுக மோக னத்திமென் தோளி சித்ரவளி நாய கிக்கிதம் பாடி நித்தமணி - புனைவோனே ஞான வெற்புகந் தாடு மத்தர்தையல் நாய கிக்குநன் பாக ரக்கணியும் நாதர் மெச்சவந் தாடு முத்தமருள் - பெருமாளே.
வெற்றிவேல் முருகனுக்கு அரோகரா !	3

782. மாலினாலெடுத்த
ராகம் - மனோலயம் (மத்யம ஸ்ருதி) தாளம் - ஆதி 2 களை (திஸ்ர நடை) 24
தான தான தத்த தந்த தான தான தத்த தந்த தான தான தத்த தந்த - தனதான
பாடல்
மாலி னாலெ டுத்த கந்தல் சோறி னால்வ ளர்த்த பொந்தி மாறி யாடெ டுத்தசி ந்தை - யநியாய மாயை யாலெ டுத்து மங்கி னேனை யாஎ னக்கி ரங்கி வாரை யாயி னிப்பி றந்து - இறவாமல் வேலி னால்வி னைக்க ணங்கள் தூள தாஎ ரித்து உன்றன் வீடு தாப ரித்த அன்பர் - கணமூடே மேவி யானு னைப்பொல் சிந்தை யாக வேக ளித்து கந்த வேளெ யாமெ னப்ப ரிந்து - அருள்வாயே காலி னாலெ னப்ப ரந்த சூரர் மாள வெற்றி கொண்ட கால பாநு சத்தி யங்கை - முருகோனே காம பாண மட்ட நந்த கோடி மாத ரைப்பு ணர்ந்த காளை யேறு கர்த்த னெந்தை - யருள்பாலா சேலை நேர்வி ழிக்கு றம்பெ ணாசை தோளு றப்பு ணர்ந்து சீரை யோது பத்த ரன்பி - லுறைவோனே தேவர் மாதர் சித்தர் தொண்டர் ஏக வேளு ருக்கு கந்த சேவல் கேது சுற்று கந்த - பெருமாளே.
வெற்றிவேல் முருகனுக்கு அரோகரா !	4

783. மூலாதாரமொடு
ராகம் - தாளம் -
தானா தானன தாத்த தந்தன தானா தானன தாத்த தந்தன தானா தானன தாத்த தந்தன - தனதானh
பாடல்
மூலா தாரமொ டேற்றி யங்கியை ஆறா தாரமொ டோட்டி யந்திர மூலா வாயுவை யேற்று நன்சுழி - முனையூடே மூதா தாரம ரூப்பி லந்தர நாதா கீதம தார்த்தி டும்பர மூடே பாலொளி ஆத்து மந்தனை - விலகாமல் மாலா டூனொடு சேர்த்தி தம்பெற நானா வேதம சாத்தி ரஞ்சொலும் வாழ்ஞா னாபுரி யேற்றி மந்திர - தவிசூடே மாதா நாதனும் வீற்றி ருந்திடும் வீடே மூணொளி காட்டி சந்திர வாகார் தேனமு தூட்டி யென்றனை - யுடனாள்வாய் சூலாள் மாதுமை தூர்த்த சம்பவி மாதா ராபகல் காத்த மைந்தனை சூடோ டீர்வினை வாட்டி மைந்தரெ - னெமையாளுந் தூயாள் மூவரை நாட்டு மெந்தையர் வேளூர் வாழ்வினை தீர்த்த சங்கரர் தோய்சா ரூபரொ டேற்றி ருந்தவ - ளருள்பாலா வேலா ஏழ்கடல் வீட்டி வஞ்சக மூடார் சூரரை வாட்டி யந்தகன் வீடு டேவிய காத்தி ரம்பரி - மயில்வாழ்வே வேதா நால்தலை சீக்கொ ளும்படி கோலா காலம தாட்டு மந்திர வேலா மால்மக ளார்க்கி ரங்கிய - பெருமாளே.
வெற்றிவேல் முருகனுக்கு அரோகரா !	5

784. மேக வார்குழல்
ராகம் - தாளம் -
தான தானதன தானதன தானதன தான தானதன தானதன தானதன தான தானதன தானதன தானதன - தனதான
பாடல்
மேக வார்குழல தாடதன பாரமிசை யார மாடகுழை யாடவிழி யாடபொறி மேனி வாசனைகள் வீச அல்குல் மோதிபரி - மளமேற மீனு லாடையிடை யாடமயில் போலநடை யோல மோலமென பாதமணி நூபுரமு மேல்வில் வீசபணி கீரகுயில் போலகுரல் - முழவோசை ஆக வேயவைகள் கூடிடுவர் வீதிவரு வோரை வாருமென வேசரச மோடுருகி ஆசை போலமனை யேகொடணை வார்கள்குவ - டதிபார ஆணி மாமுலையின் மூழ்கிசுக வாரிகொடு வேர்வை பாயஅணை யூடமளி யாடியிட ரான சூலைபல நோய்கள்கட லாடியுட - லுழல்வேனோ நாக லோகர்மதி லோகர்பக லோகர்விதி நாடு ளோர்களம ரோர்கள்கண நாதர்விடை நாதர் வேதியர்கள் ஆதிசர சோதிதிகழ் - முநிவோர்கள் நாத ரேநரர்ம னாரணர்பு ராணவகை வேத கீதவொலி பூரையிது பூரையென நாச மாயசுரர் மேவுகிரி தூளிபட - விடும்வேலா தோகை மாதுகுற மாதமுத மாதுவினல் தோழி மாதுவளி நாயகிமி னாளைசுக சோக மோடிறுகி மார்முலைவி டாமலணை - புணர்வோனே தோளி ராறுமுக மாறுமயில் வேலழகு மீதெய் வானவடி வாதொழுதெ ணாவயனர் சூழு காவிரியும் வேளூர்முரு காவமரர் - பெருமாளே.
வெற்றிவேல் முருகனுக்கு அரோகரா !	6

மேலே செல்க

முன்பக்கம்


© 2006 www.templeyatra.com - All Rights Reserved. Designed by www.templeyatra.com