தல யாத்திரை - அருணகிரிநாதர் திருப்புகழ் - சோலை மேவிய குன்று (பழமுதிர்ச்சோலை)

அருணகிரிநாதர் அருளிய திருப்புகழ்
சோலை மேவிய குன்று (பழமுதிர்ச்சோலை)
516. வஞ்சமே கோடி
ராகம் - தாளம் -
தந்தனா தான தானன தந்தனா தான தானன தந்தனா தான தானன - தனதான
பாடல்
வஞ்சமே கோடி கோடிகள் நெஞ்சமே சேர மேவிய வன்கணா ரார வாரமு - மருள்வோராய் வம்பிலே வாது கூறிகள் கொஞ்சியே காம லீலைகள் வந்தியா ஆசை யேதரு - விலைமாதர் பஞ்சமா பாவ மேதரு கொங்கைமேல் நேச மாய்வெகு பஞ்சியே பேசி நாடொறு - மெலியாதே பந்தியாய் வானு ளோர்தொழ நின்றசீ ரேகு லாவிய பண்புசேர் பாத தாமரை - யருள்வாயே அஞ்சவே சூர னானவ னுய்ஞ்சுபோ காம லேயயில் அன்றுதா னேவி வானவர் - சிறைமீள அன்பினோ டேம னோரத மிஞ்சமே லான வாழ்வருள் அண்டர்கோ வேப ராபர - முதல்வோனே கொஞ்சவே காலின் மேவுச தங்கைதா னாட ஆடிய கொன்றையா னாளு மேமகிழ் - புதல்வோனே கொந்துசேர் சோலை மேவிய குன்றுசூழ் வாக வேவரு குன்றுதோ றாடல் மேவிய - பெருமாளே.
வெற்றிவேல் முருகனுக்கு அரோகரா !	1

1307. அகரமுமாகி
ராகம் - சிந்துபைரவி / பூர்வகல்யாணி தாளம் - மிஸ்ரசாபு (3 1/2) தகதிமி - 2, தகிட - 1 1/2
தனதன தான தனதன தான தனதன தான - தனதான
பாடல்
அகரமு மாகி யதிபனுமாகி யதிகமு மாகி - அகமாகி அயனெய வாகி அரியென வாகி அரனென வாகி - அவர்மேலாய் இகரமு மாகி யெவைகளு மாகி யினிமையு மாகி - வருவோனே இருநில மீதி லெளியனும் வாழ எனதுமு னோடி - வரவேணும் மகபதி யாகி மருவும் வலாரி மகிழ்களி கூரும் - வடிவோனே வனமுறை வேட னருளிய பூஜை மகிழ்கதிர் காம - முடையோனே செககண சேகு தகுதிமி தோதி திமியென ஆடு - மயிலோனே திருமலி வான பழமுதிர் சோலை மலைமிசை மேவு - பெருமாளே.
வெற்றிவேல் முருகனுக்கு அரோகரா !	2

1308. இலவிதழ்
ராகம் - தாளம் -
தனதன தான தான தனதன தான தான தனதன தான தான - தனதான
பாடல்
இலவிதழ் கோதி நேதி மதகலை யார வார இளநகை யாட ஆடி - மிகவாதுற் றெதிர்பொரு கோர பார ம்ருகமத கோல கால இணைமுலை மார்பி லேற - மதராஜன் கலவியி லோடி நீடு வெகுவித தாக போக கரணப்ர தாப லீலை - மடமாதர் கலவியின் மூழ்கி யாழு மிழிதொழி லேனுமீது கருதிய ஞான போத - மடைவேனோ கொலைபுரி காளி சூலி வயரவி நீலி மோடி குலிச குடாரி யாயி - மகமாயி குமரிவ ராகி மோகி பகவதி யாதி சோதி குணவதி யால வூணி - யபிராமி பலிகொள்க பாலி யோகி பரமகல் யாணி லோக பதிவ்ரதை வேத ஞானி - புதல்வோனே படையொடு சூரன் மாள முடுகிய சூர தீர பழமுதிர் சோலை மேவு - பெருமாளே.
வெற்றிவேல் முருகனுக்கு அரோகரா !	3

1309. காரணமதாக
ராகம் - ஹம்ஸத்வனி தாளம் - அங்கதாளம் (8 1/2) தகதகிட - 2 1/2, தகிட - 1 1/2, தகிட - 1 1/2, தகதிமிதக - 3
தானதன தான தந்த - தனதான
பாடல்
காரணம தாக வந்து - புவிமீதே காலனணு காதி சைந்து - கதிகாண நாரணனும் வேதன் முன்பு - தெரியாத ஞானநட மேபு ரிந்து - வருவாயே ஆரமுத மான தந்தி - மணவாளா ஆறுமுக மாறி ரண்டு - விழியோனே சூரர்கிளை மாள வென்ற - கதிர்வேலா சோலைமலை மேவி நின்ற - பெருமாளே.
வெற்றிவேல் முருகனுக்கு அரோகரா !	4

1310. சீலமுள தாயர்
ராகம் - ஸிம்மேந்திரமத்யமம் தாளம் - அங்கதாளம் (5 1/2) தகதகிட - 2 1/2, தகிட - 1 1/2, தகிட - 1 1/2
தானதன தான தந்த தானதன தான தந்த தானதன தான தந்த - தனதான
பாடல்
சீலமுள தாயர் தந்தை மாதுமனை யான மைந்தர் சேருபொரு ளாசை நெஞ்சு - தடுமாறித் தீமையுறு மாயை கொண்டு வாழ்வுசத மாமி தென்று தேடினது போக என்று - தெருவூடே வாலவய தான கொங்கை மேருநுத லான திங்கள் மாதர்மய லோடு சிந்தை - மெலியாமல் வாழுமயில் மீது வந்து தாளிணைகள் தாழு மென்றன் மாயவினை தீர அன்பு - புரிவாயே சேலவள நாட னங்கள் ஆரவயல் சூழு மிஞ்சி சேணிலவு தாவ செம்பொன் - மணிமேடை சேருமம ரேசர் தங்க ளூரிதென வாழ்வு கந்த தீரமிகு சூரை வென்ற - திறல்வீரா ஆலவிட மேவு கண்டர் கோலமுட னீடு மன்று ளாடல்புரி யீசர் தந்தை - களிகூர ஆனமொழி யேப கர்ந்து சோலைமலை மேவு கந்த ஆதிமுத லாக வந்த - பெருமாளே.
வெற்றிவேல் முருகனுக்கு அரோகரா !	5

1311. வீரமதனூல்
ராகம் - தாளம் -
தானதன தான தந்த தானதன தான தந்த தானதன தான தந்த - தனதான
பாடல்
வீரமத னூல்வி ளம்பு போகமட மாதர் தங்கள் வேல்விழியி னான்ம யங்கி - புவிமீதே வீசுகையி னாலி தங்கள் பேசுமவர் வாயி தஞ்சொல் வேலைசெய்து மால்மி குந்து - விரகாகிப் பாரவச மான வங்க ணீடுபொருள் போன பின்பு பாதகனு மாகி நின்று - பதையாமல் பாகம்வர சேர அன்பு நீபமலர் சூடு தண்டை பாதமலர் நாடி யெறு - பணிவேனோ பூரணம தான திங்கள் சூடுமர னாரி டங்கொள் பூவையரு ளால்வ ளர்ந்த - முருகோனே பூவுலகெ லாம டங்க வோரடியி னால ளந்த பூவைவடி வானு கந்த - மருகோனே சூரர்கிளை யேத டிந்து பாரமுடி யேய ரிந்து தூள்கள்பட நீறு கண்ட - வடிவேலா சோலைதனி லேப றந்து லாவுமயி லேறி வந்து சோலைமலை மேல மர்ந்த - பெருமாளே.
வெற்றிவேல் முருகனுக்கு அரோகரா !	6

1312. வாரண முகங்கிழிந்து
ராகம் - தாளம் -
தானதன தந்த தந்த தானதன தந்த தந்த தானதன தந்த தந்த - தனதான
பாடல்
வாரண முகங்கி ழிந்து வீழவு மரும்ப லர்ந்து மால்வரை யசைந்த நங்கன் - முடிசாய வாளகிரி யண்ட ரண்ட கோளமுற நின்றெ ழுந்த மாதவ மறந்து றந்து - நிலைபேரப் பூரண குடங்க டிந்து சிதகள பமட்பு னைந்து பூசலை விரும்பு கொங்கை - மடவார்தம் போக சயனந் தவிர்ந்து னாடக பதம்ப ணிந்து பூசனைசெய் தொண்ட னென்ப - தொருநாளே ஆரண முழங்கு கின்ற ஆயிர மடந்த வங்கள் ஆகுதி யிடங்கள் பொங்கு - நிறைவீதி ஆயிர முகங்கள் கொண்ட நூபுர மிரங்கு கங்கை யாரமர வந்த லம்பு - குறைசேரத் தோரண மலங்கு துங்க கோபுர நெருங்கு கின்ற சூழ்மணிபொன் மண்ட பங்கள் - ரவிபோலச் சோதியின் மிகுந்த செம்பொன் மாளிகை விளங்குகின்ற சோலைமலை வந்து கந்த - பெருமாளே.
வெற்றிவேல் முருகனுக்கு அரோகரா !	7

1313. ஆசை நாலுசதுர
ராகம் - பீம்பளாஸ் தாளம் - அங்கதாளம் (9) தகிட - 1 1/2, தகிட - 1 1/2, தக - 1 தகிட - 1 1/2, தக - 1, தகிட - 1 1/2, தக - 1
தான தானதன தத்ததன தத்ததன தான தானதன தத்ததன தத்ததன தான தானதன தத்ததன தத்ததன - தந்ததான
பாடல்
ஆசை நாலுசது ரக்கமல முற்றினொளி வீசி யோடியிரு பக்கமொடு றச்செல்வளி ஆவல் கூரமண்மு தற்சலச பொற்சபையு - மிந்துவாகை ஆர மூணுபதி யிற்கொளநி றுத்திவெளி யாரு சோதிநூறு பத்தினுட னெட்டுஇத ழாகி யேழுமள விட்டருண விற்பதியின் - விந்துநாத ஓசை சாலுமொரு சத்தமதி கப்படிக மோடு கூடியொரு மித்தமுத சித்தியொடு மோது வேதசர சத்தியடி யுற்றதிரு - நந்தியூடே ஊமை யேனையொளிர் வித்துனது முத்திபெற மூல வாசல்வெளி விட்டுனது ரத்திலொளிர் யோக பேதவகை யெட்டுமிதி லொட்டும்வகை - யின்றுதாராய் வாசி வாணிகனெ னக்குதிரை விற்றுமகிழ் வாத வூரனடி மைக்கொளுக்கு பைக்கடவுள் மாழை ரூபன்முக மத்திகைவி தத்தருண - செங்கையாளி வாகு பாதியுறை சத்திகவு ரிக்குதலை வாயின் மாதுதுகிர் பச்சைவடி விச்சிவையென் மாசு சேரழுபி றப்பையும றுத்தவுமை - தந்தவாழ்வே காசி ராமெசுரம் ரத்நகிரி சர்ப்பகிரி ஆரூர் வேலுர் தெவுர் கச்சிமது ரைப்பறியல் காவை மூதுரரு ணக்கிரிதி ருத்தணியல் - செந்தில்நாகை காழி வேளூர்பழ நிக்கிரி குறுக்கைதிரு நாவ லூர்திருவெ ணெய்ப்பதியின் மிக்கதிகழ் காதல் சோலைவளர் வெற்பிலுறை முத்தர்புகழ் - தம்பிரானே.
வெற்றிவேல் முருகனுக்கு அரோகரா !	8

1314. கருவாகியெதாய்
ராகம் - தாளம் -
தனனாதன தானன தத்தன தனனாதன தானன தத்தன தனனாதன தானன தத்தன - தனதான
பாடல்
கருவாகியெ தாயுத ரத்தினி லுருவாகவெ கால்கையு றுப்பொடு கனிவாய்விழி நாசியு டற்செவி - நரைமாதர் கையிலேவிழ வேகிய ணைத்துயி லெனவேமிக மீதுது யிற்றிய கருதாய்முலை யாரமு தத்தினி - லினிதாகித் தருதாரமு மாகிய சுற்றமு நலவாழ்வுநி லாதபொ ருட்பதி சதமாமிது தானென வுற்றுனை - நினையாத சதுராயுன தாளிணை யைத்தொழ அறியாதநிர் மூடனை நிற்புகழ் தனையோதிமெய்ஞ் ஞானமு றச்செய்வ - தொருநாளே செருவாயெதி ராமசு ரத்திரள் தலைமூலைக ளோடுநி ணத்தசை திமிர்தாதுள பூதக ணத்தொடு - வருபேய்கள் திகுதாவுண வாயுதி ரத்தினை பலவாய்நரி யோடுகு டித்திட் சிலகூகைகள் தாமுந டித்திட - அடுதீரா அருமாமறை யோர்கள்து தித்திடு புகர்வாரண மாதுத னைத்திகழ் அளிசேர்குழல் மேவுகு றத்தியை - அணைவோனே அழகானபொன் மேடையு யர்த்திடு முகில்தாவிய சோலைவி யப்புறு அலையாமலை மேவிய பத்தர்கள் - பெருமாளே.
வெற்றிவேல் முருகனுக்கு அரோகரா !	9

1315. சீர்சிறக்கு மேனி
ராகம் - தாளம் -
தானதத்த தான தனாதனா தன தானதத்த தான தனாதனா தன தானதத்த தான தனாதனா தன - தனதானா
பாடல்
சீர்சிறக்கு மேனி பசேல் பசே லென நூபுரத்தி னோசை கலீர் கலீ ரென சேரவிட்ட தாள்கள் சிவேல் சிவே லென - வருமானார் சேகரத்தின் வாலை சிலோர் சிலோர் களு நூறுலக்ஷ கோடி மயால் மயால் கொடு தேடியொக்க வாடி யையோ வையோ வென - மடமாதர் மார்படைத்த கோடு பளீர் பளீ ரென ஏமலித்தெ னாவி பகீர் பகீ ரென மாமசக்கி லாசை யுளோ முளோ மென - நினைவோடி வாடைபற்று வேளை யடா வடா வென நீமயக்க மேது சொலாய் சொலா யென வாரம்வைத்த பாத மிதோ இதோ என - அருள்வாயே பாரத்தை மேரு வெளீ வெளீ திகழ் கோடொடித்டத நாளில் வரைஇ வரைஇ பவர் பானிறக்க ணேசர் குவா குவா கனர் - இளையோனே பாடல்முக்ய மாது தமீழ் தமீ ழிறை மாமு நிக்கு காதி லுணார் வுணார் விடு பாசமற்ற வேத குரூ குரூ பர - குமரேசா போர்மிகுத்த சூரன் விடோம் விடோ மென நேரெதிர்க்க வேலை படீர் படீ ரென போயறுத்த போது குபீர் குபீ ரென - வெகுசோரி பூமியுக்க வீசு குகா குகா திகழ் சோலைவெற்பின்ட மேவு தெய்வா தெய்வா னைதொள் பூணியிச்சை யாறு புயா புயா றுள - பெருமாளே.
வெற்றிவேல் முருகனுக்கு அரோகரா !	10

மேலே செல்க

1316. துடிகொள் நோய்
ராகம் - சங்கராபரணம் தாளம் - ஆதி - திஸ்ரநடை (12)
தனன தான தான தத்த தனன தான தான தத்த தனன தான தான தத்த - தனதான
பாடல்
துடிகொ ணோய்க ளோடு வற்றி தருண மேனி கோழை துற்ற இரும லீளை வாத பித்த - மணுகாமல் துறைக ளோடு வாழ்வு விட்டு உலக நூல்கள் வாதை யற்று சுகமு ளாநு பூதி பெற்று - மகிழாமே உடல்செய் கோர பாழ்வ யிற்றை நிதமு மூணி னாலு யர்த்தி யுயிரி னீடு யோக சித்தி - பெறலாமே உருவி லாத பாழில் வெட்ட வெளியி லாடு நாத நிர்த்த உனது ஞான பாத பத்ம - முறுவேனோ கடிது லாவு வாயு பெற்ற மகனும் வாலி சேயு மிக்க மலைகள் போட ஆழி கட்டி - யிகலூர்போய்க் களமு றானை தேர்நு றுக்கி தலைக ளாறு நாலு பெற்ற அவனை வாளி யால டத்தன் - மருகோனே முடுகு வீர சூர பத்மர் தலையின் மூளை நீறு பட்டு முடிவ தாக ஆடு நிர்த்த - மயில்வீரா முநிவர் தேவர் ஞான முற்ற புநித சோலை மாமலைக்குள் முருக வேல த்யாகர் பெற்ற - பெருமாளே.
வெற்றிவேல் முருகனுக்கு அரோகரா !	11

1317. பாசத்தால் விலை
ராகம் - தாளம் -
தானத் தானன தத்தன தத்தன தானத் தானன தத்தன தத்தன தானத் தானன தத்தன தத்தன - தனதான
பாடல்
பாசத் தால்விலை கட்டிய பொட்டிகள் நேசித் தாரவர் சித்தம ருட்டிகள் பாரப் பூத மொத்தத னத்திகள் - மிகவேதான் பாவத் தால்மெயெ டுத்திடு பட்டிகள் சீவிக் கோதிமு டித்தள கத்திகள் பார்வைக் கேமயலைத்தரு துட்டிக - ளொழியாத மாசுற் றேறிய பித்தளை யிற்பணி நீறிட் டேயொளி பற்றவி ளக்கிகள் மார்பிற் காதினி லிட்ட பிலுக்கிகள் - அதிமோக வாய்வித் தாரமு ரைக்கும பத்திகள் நேசித் தாரையு மெத்திவ டிப்பவர் மாயைக் கேமனம் வைத்தத னுட்டின - மலைவேனோ தேசிக் கானக முற்றதி னைப்புன மேவிக் காவல்க வட்கல்சு ழற்றுவள் சீதப் பாதகு றப்பெண்ம கிழ்ச்சிகொள் - மணவாளா தேடிப் பாடிய சொற்புல வர்க்கித மாகத் தூதுசெ லத்தரில் கற்பக தேவர்க் காதிதி ருப்புக லிப்பதி - வருவோனே ஆசித் தார்மன திற்புகு முத்தம கூடற் கேவைகை யிற்கரை கட்டிட ஆளொப் பாயுதிர் பிட்டமு துக்கடி - படுவோனோ டாரத் தோடகி லுற்றத ருக்குல மேகத் தோடொரு மித்துநெ ருக்கிய ஆதிச் சோலை மலைப்பதி யிற்றிகழ் - பெருமாளே.
வெற்றிவேல் முருகனுக்கு அரோகரா !	12

1318. வாதினை யடர்ந்த
ராகம் - சக்ரவாஹம் - குந்தலவராளி தாளம் - ஆதி (எடுப்பு - 1/2 இடம்)
தானதன தந்த தானதன தந்த தானதன தந்த - தனதான
பாடல்
வாதினை யடர்ந்த வேல்விழியர் தங்கள் மாயமதொ ழிந்து - தெளியேனே மாமலர்கள் கொண்டு மாலைகள் புனைந்து மாபதம ணிந்து - பணியேனே ஆதியொடு மந்த மாகிய நலங்கள் ஆறுமுக மென்று - தெரியேனே ஆனதனி மந்த்ர ரூபநிலை கொண்ட தாடுமயி லென்ப - தறியேனே நாதமொடு விந்து வானவுடல் கொண்டு நானிலம லைந்து - திரிவேனே நாகமணி கின்ற நாதநிலை கண்டு நாடியதில் நின்று - தொழுகேனே சோதியுணர் கின்ற வாழ்வுசிவ மென்ற சோகமது தந்து - எனையாள்வாய் சூரர்குலம் வென்று வாகையொடு சென்று சோலைமலை நின்ற - பெருமாளே.
வெற்றிவேல் முருகனுக்கு அரோகரா !	13

1319. வார்குழையை யெட்டி
ராகம் - தாளம் -
தானதன தத்த தானதன தத்த தானதன தத்த - தனதான
பாடல்
வார்குழையை யெட்டி வேளினைம ருட்டி மாயநம னுக்கு - முறவாகி மாதவம ழித்து லீலைகள் மிகுத்து மாவடுவை யொத்த - விழிமாதர் சீருட னழைத்து வாய்கனிவு வைத்து தேனித ழளித்து - அநுபோக சேர்வைதனை யுற்று மோசம்விளை வித்து சீர்மைகெட வைப்ப - ருறவாமோ வாரினை யறுத்து மேருவை மறித்து மாகனக மொத்த - குடமாகி வாரவணை வைத்து மாலளித முற்று மாலைகளு மொய்த்த - தனமாது தோரணி புயத்தி யோகினி சமர்த்தி தோகையுமை பெற்ற - புதல்வோனே சூர்கிளை மடித்து வேல்கர மெடுத்து சோலைமலை யுற்ற - பெருமாளே.
வெற்றிவேல் முருகனுக்கு அரோகரா !	14

1320. அழகு தவழ்குழல்
ராகம் - தாளம் -
தானன தனதன தனத்தத் தாத்த தானன தனதன தனத்தத் தாத்த தானன தனதன தனத்தத் தாத்த - தனதான
பாடல்
அழகு தவழ்குழல் விரித்துக் காட்டி விழிகள் கடையிணை புரட்டிக் காட்டி அணிபொ னணிகுழை புரித்துக் காட்டி - யநுராக அவச இதமொழி படித்துக் காட்டி அதர மழிதுவர் வெளுப்பைக் காட்டி அமர்செய் நகநுதி யழுத்தைக் காட்டி - யணியாரம் ஒழுகு மிருதன மசைத்துக் காட்டி எழுத வரியிடை வளைத்துக் காட்டி உலவு முடைதனை நெகிழ்த்திக் காட்டி - யுறவாடி உருகு கடிதட மொளித்துக் காட்டி உபய பரிபுர பதத்தைக் காட்டி உயிரை விலைகொளு மவர்க்குத் தேட்ட - மொழிவேனோ முழுகு மருமறை முகத்துப் பாட்டி கொழுநர் குடுமியை யறுத்துப் போட்ட முதல்வ குகைபடு திருப்பொற் கோட்டு - முனிநாடா முடுகு முதலையை வரித்துக் கோட்டி அடியர் தொழமக வழைத்துக் கூட்டி முறைசெய் தமிழினை விரித்துக் கேட்ட - முதுநீதர் பழைய கடதட முகத்துக் கோட்டு வழுவை யுரியணி மறைச்சொற் கூட்டு பரமர் பகிரதி சடைக்குட் சூட்டு - பரமேசர் பணிய அருள்சிவ மயத்தைக் காட்டு குமர குலமலை யுயர்த்திக் காட்டு பரிவொ டணிமயில் நடத்திக் காட்டு - பெருமாளே.
வெற்றிவேல் முருகனுக்கு அரோகரா !	15

1321. தலைமயில் கொக்கு
ராகம் - யமுனா கல்யாணி (மத்யம ஸ்ருதி) ஆதி (எடுப்பு - 1/2 இடம்)
தனதன தத்தத் தனதன தத்தத் தனதன தத்தத் தனதன தத்தத் தனதன தத்தத் தனதன தத்தத் - தனதானா
பாடல்
தலைமயிர் கொக்குக் கொக்கந ரைத்துக் கலகலெ னப்பற் கட்டது விட்டுத் தளர்நடை பட்டுத் தத்தடி யிட்டுத் - தடுமாறித் தடிகொடு தத்திக் கக்கல்பெ ருத்திட் டசனம் விக்கிச் சத்தியெ டுத்துச் சளியுமி குத்துப் பித்தமு முற்றிப் - பலகாலும் திலதயி லத்திட் டொக்கவெ ரிக்கத் திரிபலை சுக்குத் திப்பிலி யிட்டுத் தெளியவ டித்துற் றுய்த்துடல் செத்திட் - டுயிர்போமுன் திகழ்புகழ் கற்றுச் சொற்கள்ப யிற்றித் திருவடி யைப்பற் றித்தொழு துற்றுச் செனனம றுக்கைக் குப்பர முத்திக் - கருள்தாராய் கரணைவி சித்துப் பக்கரை யிட்டுப் புரவிசெ லுத்திக் கைக்கொடு வெற்பைக் கடுகுந டத்தித் திட்டென எட்டிப் - பொருசூரன் கனபடை கெட்டுத் தட்டற விட்டுத் திரைகட லுக்குட் புக்கிட எற்றிக் களிமயி லைச்சித் ரத்தில்ந டத்திப் - பொருகோவே சூலிசன்ம கட்குத் தப்பியு மற்றக் குறவர்ம கட்குச் சித்தமும் வைத்துக் குளிர்தினை மெத்தத் தத்துபு னத்திற் - றிரிவோனே கொடியபொ ருப்பைக் குத்திமு றித்துச் சமரம்வி ளைத்துத் தற்பர முற்றுக் குலகிரி யிற்புக் குற்றுரை யுக்ரப் - பெருமாளே.
வெற்றிவேல் முருகனுக்கு அரோகரா !	16

1322. மலரணை ததும்ப
ராகம் - தாளம் -
தனதன தனந்த தான தனதன தனந்த தான தனதன தனந்த தான - தனதான
பாடல்
மலரணை ததும்ப மேக குழல்முடி சரிந்து வீழ மணபரி மளங்கள் வேர்வை - யதனோடே வழிபட இடங்க ணாட பிறைநுதல் புரண்டு மாழ்க வனைகலை நெகிழ்ந்து போக - இளநீரின் முலையிணை ததும்ப நூலின் வகிரிடை சுழன்று வாட முகமுகமொ டொன்ற பாய - லதுனூடே முதுமயல் கலந்து மூழ்கி மகிழ்கினும் அலங்க லாடு முடிவடிவொ டங்கை வேலு - மறவேனே சிலைநுத லிளம்பெண் மோகி சடையழகி யெந்தை பாதி திகழ்மர கதம்பொன் மேனி - யுமைபாலா சிறுநகை புரிந்து சூரர் கிரிகட லெரிந்து போக திகழயி லெறிந்த ஞான - முருகோனே கொலைமிக பயின்ற வேடர் மகள்வளி மணந்த தோள குணவலர் கடம்ப மாலை - யணிமார்பா கொடிமின லடைந்த சோதி மழகதிர் தவழ்ந்த ஞான குலகிரி மகிழ்ந்து மேவு - பெருமாளே.
வெற்றிவேல் முருகனுக்கு அரோகரா !	17

மேலே செல்க

முன்பக்கம்


© 2006 www.templeyatra.com - All Rights Reserved. Designed by www.templeyatra.com